Zohnahthlak lanu – Lalsangluaia Renthlei

ZOHNAHTHLAK LANU
Phuahtu – Lalsangluaia Renthlei (1971 – 2020)

1.Ami zaleng te’n an hril lanu,
Sakhming leng tin khum  sensiari,
Kimtlang mawi hluan bahsam leng siau,
Thangvan pawl riai ianga chhingmit mawi,
I kianga’n hringnun a dam diai e.

2.Chhemdam thli iang tawrh har i zun zam hian,
Hrualhrui iangin ṭanga’n min vuan e;
Val lung mawl lairil thawi dam ṭhintu,
Ni rei chamin chunnu chang teh la,
Senlai nau iang min chawi na’ng che.

Thlang Sappui lanu ka thlang nem le,
Thlang kawrvai lanu ka ngai bil lo;
Lianchhiari sakhmel ianga zo-zam par mawi te,
Zohnahthlak lanu nang ngei ka thlang ber che.

[adToAppearHere]

3.Dawn lungruk ai-samah aw lungrun,
I par mawi lawm val zawng lo hnai e;
Sumtual kaiin duhthuleng samin,
Dawna’n luang hnuntui iang i par zu,
Sawi tam tlang rel dawn zo lo hian.

4.Der thiam anka biahthu zawng e,
Pawm hian i mawi ve lul lo ve;
I tawnah hlim sual tui ang dam se,
Mal tin chawiin kan Zoram ngeia’n,
Chung khuanu hualin vul reng rawh.

Thlang Sappui lanu ka thlang nem le,
Thlang kawrvai lanu ka ngai bil lo;
Lianchhiari sakhmel ianga zo-zam par mawi te,
Lairil lung dumtu, nang ngei ka thlang ber che.

Thlang Sappui lanu ka thlang nem le,
Thlang kawrvai lanu ka ngai bil lo;
Lianchhiari sakhmel ianga zo-zam par mawi te,
Zohnahthlak lanu nang ngei ka thlang ber che.

[adToAppearHere]

Leave a Reply

Your email address will not be published. Required fields are marked *

error: Content is protected !!