Vau thla – Lalsangzuali Sailo

VAU THLA
Phuahtu – Lalsangzuali Sailo
Phuah ni – 4th April 1977
Satu – H. Zosangliani

1.Ka hawi vel, Turnipui sensa hnuaiah,
Ṭuangṭuah leh vau, par tin an vul chiai e;
Thlirin mual tin romei a kai chiai e.
Enchim loh aw – VAU THLA eng nuam!

Aw Siamtu kutchhuak reng lo ni e.
An fak ning lo hram thiam aw mawi zawngten.
Thlir ve teh u, khua tin an mawi hluan e,
En chim loh aw, VAU THLA eng nuam!

2.Siknipui tuar hnu thing lenbuang zawng pawh,
Chawr tin duatin hnah-nem chhuah hring nghial e;
Zai tin rem thiam lelthang, ngirtling chenin,
Vau thla ni eng an awi bang lo.

Vau thla, Vau thla, march in Mizoram, March picture in Mizoram, vau par, vaube par
Lalsangzuali Sailo-in Vau thla a phuah phahna Tuikual lui leh a kiang vel ram
Tuikual, Assam Rifle ram, Mizoram Assam Riffle, Mizoram Aizawl, Tuikual field, Aizawl Tuikual field, Mizoram lui
Tuikual lui – Assam Rifles ram, Tuikual Veng leh Khatla, Dinthar Veng atanga lak dt. 1st March 2019

3.Tlai nema’n hringfa zaleng, naunawnte’n,
Van dum pawl riai boruak thiang leng kara’n;
Leng tin kaina sumtuala’n nui hiau ve,
Thlang tlai liam tur kawl eng hnuaiah.

4.Aw… par tin, nungcha leh hringnun chen hian,
An ral leh ṭhin ni rei leng thei lo hian;
Mahse VAU THLA, hun mawi ber leh duhawm,
Cham reng mai la, pialleiah hian.

Vau par, vaube, vau thla, vau eng mawi, vau par mawi, par mawi vau, vauthla par, vau be
Vau Par
Pic credit – Khualuaia Aineh

VAU THLA Hla ṭobul – Lalsangzuali Sailo-in hla mawi tak ‘Vau thla’ a phuah lai hian J.L. High School, Khatla-ah a thawk tawh a. Ṭum khat chu tukverhah a dak chhuak a, ṭhal lai pangpar Vaube par vul chuk mai te, chutih laia farṭuah lo la par vul chuk te leh sipai ram (Assam Rifles ram) lama kangvar dum huam kara a var tawk lo la awm te, nungcha leh sava tinreng mai hlim leh lungmuang tak maia an han che vel te a hmuh chuan he ‘Vau thla’ hi April ni 4, 1977-ah a phuah chhuak ta a ni.

Hetah hian kan chhinchhiah tur pakhat chu William Wordsword-an poetry nihphung a sawifiahna pakhat “Poetry is the spontaneous overflow of powerful feelings: it takes its origin from emotion recollected in tranquility” hi a ni. Spontaneos overflow kan tih hian mi ṭhenkhat chuan chawp leh chilh, a hmun leh a hmuna phuah chhuah nghal zung zung kher emaw hi an ti ṭhin a, chu lam chu a sawi tum ber niin a lang lo. Poet chuan a thil hmun chu a thinlungah a cham a, a vei reng a, chu a thinlunga a thil vei thi thei lo chu engtikah emaw thildangin a tihbuai loh hunah lo chhuak lehin hlain a lo phuah chhuak (recollected in tranquility) ta ṭhin a ni.

Entirnan, mi tam takin kan hriat lar Zirsangzela hla ‘Luah Loh Run’ chu kum 1978 October thlaah Champhaiah a zin a, hemi ṭuma in hlui tawh tak a hmuh chu a rilru leh mitthlaah a cham reng a, chu a rilru a thi thei lo chu kum 1979 June ni 9-ah Aizawl-ah ‘Luah loh run’ tih hla hi a phuah ta a ni. (Zirsangzela Hnamte Hlate. 2004:53)

Leave a Reply

Your email address will not be published. Required fields are marked *

error: Content is protected !!