Thal favang kawl eng leh turnipui khi – Damhauhva (1909 – 1972)

ṬHAL FAVANG KAWL ENG LEH TURNIPUI KHI
Phuahtu – Damhauhva

1.Ṭhal favang kawl eng leh turnipui khi,
Lawm an tam e, lelthang zai mawite’n zun zai lo sa.
Lunglen zual lelte-pa’n lenbuang zar a awi e,
Thlang kawrnu leng nen sen nau ang kan ṭap e.

2.Hawi vel ila par tin an vul siau e.
Chatuan romei, pi pu zunleng a zam zo daiah,
Tukram lentu a kai chiai e, chhaktiang daiah,
Ṭuahpui, vau kan zem thinlai azing riai e.


3.Favang ni eng tlai tla a mawi ti u,
Zan khua a thiang, thlasik kawng chung si-ar pawl riai e.
Chhawrthlapui khian kan vangkhaw zawl a en riai e,
Tleitir leng naunawn hrinhniang laitual lenna.

Leave a Reply

Your email address will not be published. Required fields are marked *

error: Content is protected !!