Sibuta chanchin

SIBUTA

SIBUTA hi lal mak leh rawngra tak a ni a. Mizo lal zingah amah ang hi tumah an awm lo hial awm e.

Hnam tin zingah lal ropui leh hmingthang tak tak an awm ṭhin. An zinga tam tak chu an ṭhat vanga ropui leh

Hmingthang an ni a. A ṭhente erawh chu an sual leh nunrawn vanga langsar an ni thung. Mahse an sual emaw, an ṭha emaw, an hnam chanchin (history) tingaihnawmtu leh tihmingthangtu an nih dan a awm a, an hnam tan a pawimawh leh tlat ṭhin. Sibuta pawh hi Mizo lal zingah lal ṭha a ni lem lova, rawngra tak a ni. Mahse Mizo chanchin (history)-a thil danglam tak thlentirtu a ni a, a pawimawh em em mai.

A pian leh murna:

Sibuta pian leh murna hi chiang takin kan hre thei tawh lo na a, a awmna apianga hnuhma nei mi, pa namai lo a nih avangin a chhui theih zel thung a. A nu leh pa chanchin khawiah mah hriat theihna kan nei tawh lo va, eng hnam nge a nih pawh dik taka hriat a harsa hle. Ngaihdan hrang tam tak a awm reng a. Thenkhatin Rivung hnam niin an sawi a. A dangin Palian hnam niin an sawi thung a. Hnam ṭhenkhat, Sibuta thlah nia insawi an awm bawk. Rawiteho chuan, ‘Sibuta chu kan thlahtu, kan pu a ni a. Sial anga mihring a chhun avangin kan chi hi kan rawih tulh tulh a, kan tlem tial tial,’ an ti a.

Saivate hnamho chuan, ‘Kan thlahtu Sibutan khuang chawi nan mihring a hman avangin kan tân khuangchawi a thiang ve tawh lova, khuang kan chawi phawt chuan kan chhung zinga a ṭha ber an thi zel ṭhin,’ an ti bawk. Hetiang hian Sibuta hnam hi sawi dan a phir tam a. Mahse Mizo zinga ziaktu tam ber chuan Palian thlah niin an sawi.

 

Mizo Lalte Chanchin Vol- 1 page- 32


Hei hi a dik lo mai thei. Palian thlangtlak dan nen a inmil thei lo va. Palian thlangtla chu, Lianpuia hovin Ṭiau lui bula Khuanglengah hmun an khuar a. Chu hmun chuan an hotupa hming pu nghalin, tun thleng hian ‘Lianpui hmun’ an la ti reng a. Chuta ṭang chuan Dungtlang an pan a, an hotupa ber chu Pu Buara a ni a. Mi dang Huliana pa, Bulpuia te nen an kal ho a ni. Chutah chuan an ṭhahnem tawh hle a, an in pawh 3,000 lai a tling a. An hotupa Pu Buara chu a ropui tawh ngiang zawng a ni ang, Ṭhangur hnam thenkhatte pawhin a hnenah chhiah an chawi hial a ni.

Pu Buara chuan Dungtlang aṭang chuan Chhim thlang a pan a. Pukzing thlengin a chhuk a, Saithah tlang a thleng a. Chumi rual vek chuan, Dulpuia fapa Huliana pawh Ṭhinglian leh Sialhau panin thlang a tla ve a. Chuta ṭang chuan Arthlawr, tuna Phulpui tlangah awmhmun an khuar ta a. Chuta a awm chuan Sibuta chu Tachhip tlangah a lal hman tawh reng a. Chuvangin Sibuta hi Palian hnam niin a rinawm thei lo a ni.

Tripura ram Kailassahar District-ah khuan. Darlawng ho an awm a, an hmunpui chu Darchawi khua a ni a. Darchawi khua a Darlawng ho lalte chhungkua chu Ṭhangur hnam an ni a. Anni chuan Sibuta thlah kal zel niin an insawi a. An lal zinga hnuhnung ber chu Lalhuala a ni a. 1988 August thla khan a la dam a, kum 35 vela upa ni. A khua leh tui Darlawng ho chuan. ‘Darlalpuii sial anga chhuntu Sibuta chu kan lalte thlahtu hi an ni a. A hnam hming chu Ṭhangur a ni,’ an ti ve leh bawk a ni.

Hei hi Kailasahar District a Betsora khuaa cheng Pu Ngultinloia sawi dan nen pawh a inmil a. Ani pawh hi 1988 November thla te khan a la dam a, kum 80 aia upa a ni tawh. A sawi dan chuan Tripura rama Sibuta a lal hnu chuan, Reng lalte nen unau anga khawsaa lal turin an inrem

 

Mizo Lalte Chanchin Vol- 1 page- 33


a. Sibuta thih hnuah pawh a thlahte an lal zel a. Mahse lal chi ve bawk Rivung lalte chuan an itsik a, an ngaithei lova. An indo ta a, tam tak an thih phah nghe nghe a. An inrem leh ta a. Mahse Sibuta thlah kal zel Vantawia leh Ngurchhingpuia chuan an inrem tawh hnu pawhin, hla an la sak el khum ta fo va;

Thangur huaisen kan ni e,
Ka awrh Valthi suih tawn,
Sakawl ha lo ni e.

an ti a ni

He hla hian Sibuta chu Thangur hnam ngei a nihzia a lan chiantir hle a. Hnam hrang hrang, Sibuta thlah nia insawi an awm nual a. Mahse chungte chu anmahni hriatpuitu hnam dang an awm lo va. Ṭhangur hnam erawh hi chu anmahni ngeiin Sibuta thlah kan ni an intih bakah hriatpuitu an khua leh tui Darlawng ho an awm a. Chu chuan Sibuta hi Ṭhangur hnam ngei a nihzia a nemnghet a ni.

Lal a nih ṭan dan:

Mizo lal pakhat Darlalpuii pa chuan fapa a nei lo a, fanu pawh Darlalpuii chauh a nei a. Chuvang chuan Sibuta kum 4 mi lek a nih laiin a fapa atan a la (adopted) ta a. Hemi thuah pawh hian sawi dan hrang a awm leh a. Ṭhenkhat chuan Darlalpuii pa sawn niin an ring a, ṭhenkhatin a hmei fa an ti a. Midangin Darlalpuii pa saal man niin an sawi a. Thenkhat leh chuan Darlalpuii pa vanlung ur fapa niin an sawi thung.

A dik ber kan hre thei tawh lova, chiang taka kan hriat theih erawh chu, Sibuta hi Darlalpuii pa in chhungpui fa ni lovin, fa atana siam a ni, tih hi a ni.

Tichuan Sibuta chu Darlalpuii te inah a khawsa ve ta a. Chhungpui fa ni lo mah se, lal tur a la nih chu Darlal-

 

Mizo Lalte Chanchin Vol- 1 page- 34


puii chuan hre rengin enkawl ṭhat a duh a. Mahse Sibuta hi naupang luhlul leh sual tak a lo ni kher kher a. Darlalpuii chuan a nungchang siamṭhat duh ni pah fawmin, chhungpui fa a ni chiah lo bawk nen, nasa takin, chi hrang hrangin a hrem ṭhin a. A changin thirkhaiin a vit a, a changin a puan tahna bulah a ṭhuttir a, a themtlengin a ngal a khawn sak ṭhin a. A changin in hnuaia a dawhkilh tla a chhartir laiin tui hian a leih ṭhin a ni.

Sibuta chu kum 8 mi lai a lo ni ve ta a. Chumi kum chuan rin loh tak maiin Darlalpuii nu chuan fapa a a hring ta hlauh mai a. Chhungpui fa dik tak, tlâng chang tur a lo piang ta a ni. A lo pian chuan an lawm hle a, a naupang chho vel pawh an duat em em a. Mahse Sibuta tan chuan a lawmawm lem lo va, amah luahlantu tur a ni a, duat ve pawh a har mai thei. Nuṭa a neih hnu phei chuan Darlalpuii tan lal tur nau a awm ta bawk a, Sibuta chu a tiduhdah zual ta sauh a, nasa takin a nghaisa ṭhin a. Sibuta chuan hrehawm a ti em em a. Mahse tihngaihna a hre si lo va, a tuar tlawk tlawk mai a ni.

Sibuta chun fuihtu a nei ru a ni mai thei. Ni khat chu Darlalpuii chuan a tiduhdah leh a, naupang te a ni na a, ‘Darlalpui, heti em chuan min nghaisa tawh suh, a hrehawm em mai. Zangkhua a la bungbu thei a nia,’ a ti a. Darlalpuii chuan nau mipa a nei ta bawk a, Sibuta chu lal a nih theih a ring hauh lo a ni ang, lalte chuan sial an chhun ṭhin tih hriain, ‘Sibut, lal i nih ngai chuan sial angin mi chhun dawn nia,’ a ti kher a. Sibuta chuan chuan chu chu a hre ta ran a.

Sibuta chu a lo ṭhang lian zel a. A tlangval hnu phei chuan phuba a lak leh mai hlauvin Darlalpuii pawh chuan a tiduhdah ngam ta bik lo va. Hun a lo kal zel a, Darlalpuii hlauh ang ngei chuan phuba lak duhna a lo nei ta

 

Mizo Lalte Chanchin Vol- 1 page- 35


tlat mai a. Chu bakah lal nih pawh a duh a. Mi ṭhenkhat phei chuan a nu leh tute emawin an fuih ruk a nih an ring hial a, rilru sual tak a lo pu ta a.

Ni khat chu a pa (Darlalpuii pa) chu tihhlum a, a fapa lo la lal tura pawh chu thah bawk a, amah ngei lala insiam duhna a nei ta a. Tichuan mi thah ruk dan a ngaihtuah ta a ni. Mahse tihngaihna a hre mai lova. Ni khat chu chinchang hre awm deuha a rin, pitar pakhat hi a zawt ta chawt mai a. Ani chuan, ‘Mi thah ruk dan chu, zu bilhna tur bel mawngah hnamtur hnah lo dah ru ila, chu zu chu an in phawt chuan, rei lo teah an thi ngei ngei a ni,’ a ti a. Sibuta chuan a rilruin a vawng ta reng a.

Hnamtur hnah chu a la ru a. A pa zu bilhna tur bel pakhat mawngah Sibuta chuan a dah a, a pi chuan a bilh hnan ta a ni. Zu chu a thlum hnuin an pa fa chuan an in dun dawn ta a. A pa chuan a in ngei a, Sibuta chuan a in ve duh lo va, a pa bum nan in ni awm takin a awm ve a. Pitar sawi ang ngei khan, a pa chu a in aṭanga rei vak lovah a thi ta ngei a. a tum ang ngeiin a pa aiawhin a lal ta a ni.

Mahse a rilru kaptu a la awm a. A nau, chhungpui fa dik tak kha a puitlin hun chuan lal tur a ni zawk a. Chu chuan a ngaih a ti ṭha thei lo va. Chu nau chu a lo ṭhang lian ve zel a, kum 9 mi lai a lo ni a. Lal tur dik a nih chu Sibuta chuan a hre ran a, a itsik a, tihhlum a duh ta a. Ramhnuaiah a hruai a, a vaw hlum ta mai a. Mahse ani chuan, Ṭhinglera sava bu lak a tum a, a tla hlum palh a ni,’ a ti a. Tumin an awih lo va, a awmdan aṭangin a rinhlelhawm a. A u Darlalpuii phei chuan a hre ru a. Mahse a hmaa a lo tihduhdah ṭhin avang khan eng mah a sawi ngam tawh bawk si lo, a tuar tlawk tlawk mai a. Sibuta chu a tum ang ngeiin lalah a ṭhu nghet ta a ni.

Mizo Lalte Chanchin Vol- 1 page- 36


Sibuta lal thu hi Mizo hnahthlak hnam pakhat Kohzai hnam chanchin aṭang pawhin a hriat theih a. Anni sawi dan chuan, Mizorama Sibuta a lal laiin, Buarpui khuaah Kohzai-ho chu an awm a. Chuta ṭang chuan hmar lam panin a insuan a, lui dung a zawh a. Pûmah a chuang a. An kal zel a, zawi zawiin Tripura ram a thleng thla a ni. Tunah chuan Kohzai-ho chu Tripura ram chhung, Bangladesh ramri bulah, Sonamura khuaah an awm a. Mizo thlangtla zingah thleng hla ber an ni a. Tun thleng pawh hian Kohzai-ho sulhnu, Buarpui vel, Darngawn leh Parvatui inkarah Kohzai-ho hmun a la awm.

Tripura rama a lal dan:

Sibuta chu kum 1794 vel khan Tripura ram lamah a chhuk a. Tripura ram hmar lam leh hmar chhak lamah, Mizo hnahthlak dang chhuk thla ve te nen an khawsa a. Kum 30 lai an chen hnu chuan an lo inthlahpung hman hle a. Kum 1824-ah chuan Tripura ram hmar lam leh hmar chhak lam an luah khat tawh a, sing nga emaw, sing ruk emaw an tling tawh a.

Chutih laia Tripura lal Raja chu Krishna Kishore Mani- kya a ni a. Sibuta chuan Tripura lal hnuaia awm duh lovin lal hranah a inpuang ve ta chawt mai a. Mizo hnahthlak chhungkaw 25,000 laiin an zui nghal a. Tripura lal pawh chuan engtin mah a tithei bik ta lo va, a lal zui ta zel a ni.

Tripura rama Sibuta lal chanchin hi, Darlawng hnam hmanlai chungchang sawi dan nen a inmil hle. An sawi dan chuan, thlan hmun pakhatah hmeichhehovin thawm ri an hria a, an hlau em em a. An tlan hawng a, Pasalṭha Liankuala leh Thlahchawnga an hrilh a. Anni chuan an chhui ta a. A tawpah chuan Chem a lo awm a, an la a, Liankuala inah an dah ta a. Chu chu puithiamhovin an hriatin, ‘hnamchawm ina awm tur a ni lo ve,’ an ti a. An la chhuak leh

 

Mizo Lalte Chanchin Vol- 1 page- 37


a, an lal Sibuta inah an dah ta a. Hetiang hian hla pawh an phuah nghe nghe:

Chem chi rel rel e,
Rel ki pe la;
Tu inah maw tlung ki ti,
Sibut lal tak, awmhrawi, hlawhchawng.
Paitu Liankuala inah,

an lo ti a ni.

He Chem chanchin hi chutih laia Reng lal Rajdhar Manikya chuan a lo hria a, neih a duh ta a. Sibuta hnenah chuan, ‘Chem min pe la, unau angin kan insiam dawn nia, keini kan lal phawt chuan nang i lal zel ang,’ a ti a. Sibuta chuan rem a ti a, a pe ta a. Tichuan unau anga an insiam chhinchhiah nan dar bel an siam a, inang takin an chhinchhiah a, an kawl ve ve ta a ni. He an inremna hi Sıbuta chanchina kan sawi lan, Reng lal nen inremna an nei kan tih kha a ni. Tin, he Reng lal Rajdhar Manikya hi, Tripura rama Sibuta a lal lai, 1785-a lal a ni a. Manipur lal fanu nupuiah a nei a, Manipur nena an inlaichinna pawhin a ngheh phah hle a. Mahse kum 19 chauh a lal hman a. 1804-ah a thi a ni.

He tih lai hian Sibuta hi a ropui hle zawng a ni ang e, tun hma aṭanga Tripura rama Mizo hnahthlak awmhoten an sawi dan pawh, ‘Chhak lamah Sıbuta a lal a, thlang lamah Rajdhar-a,’ an lo ti ṭhin a ni.

A thiltih langsar zualte:

Sibuta chanchin hi hre kimchang thei tawh lo mah ila mi ropui tak leh mi na mai-lo a nih avang hian hriat theih chin chu kan nei zel a, chungte chu hei hi a ni.

Mizo Lalte Chanchin Vol- 1 page- 38


Darlalpuii sial angin a chhun:

Sibuta chu lal a lo nihin nupui a nei nghal mai a. Nupui a neih chuan Darlalpuii te nufa chu a hnawtchhuak nghal a, daifemah a awmtir a. Ama nu dik tak a hruai lut thung a. Sibuta chu a lo hausa a, sial te pawh a chhun thei ta hial a. Sial a chhun apiang chuan lal tlangval pakhat Lalngura a sawm ve ṭhin a. Lalngura chuan Darlalpuii chu hmelṭha a ti hle mai a, neih pawh a duh ta hial a. Nula hmelṭha a ni reng bawk a. A tawpah chuan Sibuta pawh chu a hrilh ta phawng mai a. Ani pawh chuan, ‘I duh phawt chuan i nei dawn nia, amaherawhchu thang ka la kim lo deuh va. Thangchhuah ka duh a, khuang ka chawi dawn a, chumi zawhah chuan in innei dawn nia,’ ti a. Lalngura chu ngaihṭha takin a hawng ta a.

Sibutan khuang a chawi dawn ta. Mizo chanchina thil awm ngai lo, khawvel chanchinah pawh thil mak leh rapthlak tling phak, Mizo hnahthlak zingah a thleng dawn ta. Khuang chawina tur se khalh chhuah ni a lo thleng a, tlangvalho chuan engmah hre hek lo le, hlim tak leh phur takin sial an chaih chhuak ta a. Thii awmzia hre thiam tan chuan, se sawm talh tur si, enga tinge pakua chauh kan hlin chu le? tih awm tak a ni.

A tuk khua a lo var a. Sechhun tur chaih ni a ni a. Tlangval tan chuan sechhun khuangchawi te chu a nuam ṭhin bawk a, an tih ṭhin dan pangngniin, se chaih turin phur takin an chhuak a. Mahse an tan thiltih hrehawm ber tur Thupek dang a lo thleng tel ta tlat mai. Sibuta chuan, ‘Sial sawm ka talh dawn a, mahse tunah se kua chauh a la ni rih a. A sawmna atan Darlalpuii hling rawh u le,’ a ti ta hmiah mai a. Mahni khaw nula hmelṭha, sial anga hling tur chuan tumah an chhuak duh lo va. Sibuta a thinrim ta. In chhungah a zuang lut a, amah ngeiin Darlalpuii chu a nghawngah

 

Mizo Lalte Chanchin Vol- 1 page- 39


hruiin a hling a, lainatna tel hlek lovin a kai chhuak ta dawt dawt mai a ni.

Tlangvalho hnenah chuan Darlalpuii chu a pe a, ‘Chaih rawh u, amaherawhchu ramhnuaiah chuan kalpui suh u, in vaw na ngam lo palh ang e, khawlaiah hian ka hmuh ngeiin chaih rawh u,’ a ti ta a ni. An chaih lai hmuh tumin leikapuiah a lo ṭhu veng veng a. A duh ang ngei chuan Darlalpuii chu an chaih ta a. Mahse tlangval tan thi harsa tak a thleng leh. An khaw nula hmelṭha chu na taka vuak tur a ni si. Tlangval tan vuak nat a har, lal thupek a khauh a, vuak nat loh an ngam bawk si lo! Na takin an vaw ta a. An vuak nat loh deuh phei chuan lalin a vin tuar tuar a, hreh chung chungin na takin an vaw ta ṭhin a.

Darlalpuii na tuar mangang a chau ta. A tui hal dang ro bawk nen, sepui thaw ang maiin a thaw ri huam huam a, a hmel hmuh a hrehawm hle. A nu a mangang nasa. A fanu duh lai, chuti taka an sawisa chu, lungchhe tak leh ṭap chungin tuium a keng a. Tlangvalho hnenah chuan ṭap chungin a zui ve zel a, eng emaw ti tala pek theih beiseiin, ‘Ka Darlalpuii ka en ngam lo, a tui a hal em mai, tlangvalte u, ding teh un, tui kan han pe lawk teh ang e,’ a ti ṭhin a. An han dinpui a. Mahse a nu’n tui a pek dawn apiangin Sibuta chuan vin takin, ‘Vaw rawh u,’ a lo ti leh ṭhin a. An hlau si. Tui intir thei lo lek chuan an vaw leh ṭhin a ni.

Chutah meuh chuan Darlalpuii ṭhin chuan a tuar ta ngang lo va, thei leh thei lovin a tawng chhuak a, ‘Sibut eng i ti em em nge ni? Heti em hian ka chungah hian i sual ang tih ka ring ngai lo asin. I rilru te hi a va chhe tak em! Ramhuai rilru ngawt a lo nih hi,’ a ti ve ta a.

Sibuta  lah chuan engah mah a ngai lo va. Min tihduhdah lai khan, zangkhua a la bungbu thei a nia ka tih reng

 

Mizo Lalte Chanchin Vol- 1 page- 40


kha. Chu bakah nang pawhin, ‘Zangkhua a bungbut chuan sial angin min chhun dawn nia i tih ngat kha i theihnghilh ta em ni?’ a tizui nghal a.

Darlalpuii chuan chau tak chungin, ‘Theihnghilh lo ve, ka hre reng asin. Kha kha lal ṭha leh ngilnei i nih theih nana ka tih asin. Hetiang hian i ti duh tak tak ang tih ring pha lo mah ila, i nun chhiatzia hi chu ka hre tho. Turin ka pa i hrai hlum a, ka nau i vaw hlum bawk a. Heti taka nun chhia leh nun rawng hi chu i dam rei bik hlek lo vang le. Ngai reng rawh, i thih hunah ka pa leh ka nau nen kan lo hmuak ang che, nuam i ti bik hlek lo vang,’ a tichhuak ve ta piap piap mai a ni.

Sechhun ni a lo thleng ta a. Sibuta chuan a upate a tir a. Darlalpuii luphan atan fartuah kung an phunah chuan a thluntir a. Sechhun tur pangngai ang takin, a lu kun hlekin an phuar a. Tichuan sechhun dawna an tih ṭhin pangngai ang takin, darbu te leh darkhuang te chu an tum ri bung bung a. Sibuta pawh chuan, Thangchhuah tur pain an tih ṭhin dan dik takin diar tial a khim a, puandum a sin a. Darlalpuii chhun tur chuan a muzuk-fei nen chuan a lam chhuak a. A rapthlak thei ang berin a fei chu vilik zoh zoh a. An dar tum ri tih mai lo chu ṭawng ri leh thawm ri dang engmah awm lovin a reh ṭhuap a.

Khawvela thil awm ngai lo, thil rapthlak lutuk lo thleng tur chu mipuiin mak ti taka an en ṭhup lai chuan Sibuta chuan a fei chu a vilik leh a. Mi sechhun chuan thi ser ser thei chauhvin an chhun thi a, mi dangin an talh leh ṭhin a ni ngai a. Ani erawh chuan dangdai takin, a tum ang ngei chuan  a fei lu bawr tlum hmawk khawpin Darlalpuii nakah chuan a chhun ta a ni. A rapthlak ngei mai.

Darlalpuii chu a tlu ta a. A thi tur chuan, hmeichhia zawng zawngin an tih ṭhin dan pangngaiin, a pawnfen kau

 

Mizo Lalte Chanchin Vol- 1 page- 41


tur a dawm zui ṭang ṭang a, dawm chung zelin a thi ta a ni. Mizo hnahthlak zinga la awm ngai lo, a hnu zel pawha awm leh ngai tawh to tur, thilrapthlak tak chu hemi ni hian a thleng ta a ni.

Darlalpuii lu chu an tan a. Ama tana an siam farṭuah kung Seluphanah chuan, se lu tar ang chiahin an tar ta a ni. Ni hnih ni thum hnuah chuan a lung ta a, a lung chu leiah a tla rum ṭhin a. Chu chu Darlalpuii nuin a hmuh chuan a rilru a na em em a. Zing tak, varṭianah a tho va, a lung chu a chhar khawm a, “Ka fanu, ka en phal loh lu khertu,” tiin a rawt keh vek ṭhin a ni.

Darlalpuii nu chu tuk zan mai hian a ṭap ṭhin a, a khawngaihthlak hle. A khawngaihthlak em em lehzualna chu, mi tam takin an khawngaih em em ṭheuh nâ a, an lal sual vangin an khawngaih hmel an hmuhtir ngam lo lehzel chu a ni. A retheihzia leh khawngaihthlakzia hi, mihring ṭawnga sawi fiah phak rual pawh a ni lo hial! Hetiang hian ṭah hla a chham ṭhin a.

Sakhan tlang khi lam ang ka en,
Ka tuai Darngovi sial ang a tlukna.

Darlal, ka vapual, ka sechal,
Sibutan sial ang a chhun che maw!

Rei vak lovah chuan, “Sibutan Darlalpuii se chhunin a chhun” tih thu chu amah neih tumtu Lalngura chuan a lo hria a. Awih mai chu har hle mah se, awih loh hleih theih pawh niin a hre bawk si lo. Sibuta awmna tlang chu a pan ta nal nal a. A thlen chuan daifemah, Darlalpuii te nufa inah chuan a lut rawih a, “Khaw nge Darlalpuii?” a ti nghal a. Darlalpuii nu chuan eng danga chhang ta lo chuan a ṭah khum phut mat a. Chuta ṭang chuan Lalngura pawhin thil awmzia chu  a hrethiam nghal mai a. A thin a

 

Mizo Lalte Chanchin Vol- 1 page- 42


rim a, a kawlhnam a phawi a, Sibuta that tura kal chhuah mai a tum a. Mahse Darlalpuii nu chuan, ‘Chhuak mai teh rih suh, thil awmzia a chinchhuakin kan sawidun rih dawn nia,’ a ti a A dang bet thei hram a.

Hlim lo zetin zanriah an ei dun a. An ei kham chuan an sawidun ta a. Darlalpuii nu chuan, rilru na tak leh mittui sur zung zung chungin engkim a hrilh ta vek a, Lalngura thinin a tuar ta lo va, a tho thut a, ‘Khaw nge, Sibuta lu ka han la teh ang,’ a ti a, a chhuak ta a. Mahse hrilh rutu a nei a ni ang, Sibuta chu a zan a zanin a lo tlanbo a, Lalngura chuan thah tum teh mah se, a zawng hmu zo ta lo a ni.

Hetianga mihring ṭhalai, Sial anga chhun em hi chu, tak tak pawh a ni dawn em ni, a tih theih rum rum. Mahse tak tak a ni si. Titi mai ni lovin hlaah pawh an lo phuah a:

1.Hmanah Sibut lengin i than kim nan mah:
Lengi hrualhrui i ban tuahthing kungah e.

2.Tuahthing kung hi tual hmai hawih i ti,
Zai i rem dar thir nen Palian chhung inah;

3.Pi pu serh reng zunfei maw i chawi.
Lentiang a bo, darkim i chawi reng lo ve.

Heng hla zawng zawng hian Darlalpuii chu Sibutan sechhunin a chhun tih a tarlang chiang hle a ni.

A dam lai lung a phun:

Lalngura hawn hnuah chuan Sibuta chu a bihrukna aṭang chuan a lo chhuak ve leh a, a hma ang bawkin a lal leh ta a. A thiltih dan mak tak dang pakhat chu a damlai lung a phun dan hi a ni.

Tuna Tachhip daia Bangla tuikhur an tihah sawn lung phek hlai fe, chhah leh sei tak a awm a. Chu chu Sibuta

 

Mizo Lalte Chanchin Vol- 1 page- 43


chuan a damlai lung atan a duh tlat mai a. A khuate chu a chher ṭhattir a. Hreipui leh hachhek leh thirkhen siam chawpin an chher mam a, an phun dawn ta a. A zawn turin a khua leh tui zawng zawng a chahkhawm vek a, zawn chhuah tur a ni a. A rih em avang chuan an tisawn hret thei chauh va, an kalpui zo lo va.

An kalpui thei lo tih Sibuta nupuiin a lo hriat chuan lung awmna lam panin a kal ve a. An nupa chuan, ‘Enga tinge in kalpui theih loh chu le? Khatiang mai mai zawn zo lo rual in ni hlei nem. Zawn rawh u, ṭang rawh u,’ an ti a, an vin tuar tuar a. Mahse hniak khat chauh pawhin hma an sawn thei chuang lo va. Chu veleh Sibuta te nupa chuan ‘Lung a nuar a nih hi, mihring a ngen a ni ngai, kha pa kha a ṭang ṭha duh lo bawk a, talh ula, a thisenin lung hi bual rawh u,’ an ti ta mai a. Tichuan pa pakhat chu an talh a, a thi chuan lung chu an bual sen ta hlur a. Sibuta chuan, ‘A lungawi tawh ang, zawn rawh ule,’ a ti a. An han ṭang nawn leh vak a, tlemin hma an sawn thei ta hret a ni.

An han kalpui leh dawn a, an thei leh ta chuang hauh lo mai a. Sibuta chuan, ‘A nuar leh ta a nih kha, thisena bual a ngai leh ta a ni,’ a ti leh a. An hlau si a, pa pakhat chu an han talh leh ta ngawt a. A thi chuan lung chu an bual sen leh ta hlur mai a. Tichuan ṭan an han la leh a, tlem chuan hma an sawn leh ta hret a. Mahse an chau tawh bawk a, zawn sawn leh tuma an han ṭang chu, an thei leh ta hauh lo va.

Chu veleh Sibuta chuan, ‘A nuar leh ta a ni,’ a ti leh mai a. Mahse an tihdan pangngaiin an han bei leh chiam na a, an chau tawh ngang a, engti kawng mahin an zawn sawn thei chuang lo a ni.

Mizo Lalte Chanchin Vol- 1 page- 44


Tih ngaihna a awm tak ngang loh hnu chuan lal pawh chuan a rilru a thlak ve a. An thlen chinah chuan lung chu phun mai a remti ve ta a. Tichuan a phunna tur chu an lai a, an laih zawh chuan an han phun dawn a. Mahse Sibuta chu a la lungawi chiah lo va. Pawih pakhat hi a vung hai fai turin a luhtir a, a lo chhuah leh hmain lung chu a phun tir ta mauh mai a, an phun hnan ta a ni. Sibuta chuan a damlai lung a phunnaah mi pali ngawt a tihlum ta a ni.  A rapthlak ngei mai.

Sibuta damlai lungphun chu tun thleng (1989) hian hmuh theihin a la awm a. A tluk mai hlauhawmin a ding awn tawh a. Mahse Mizoram Art and Culture Advisory Board leh Tachhip YMA ṭangrualin an tung ngil leh a. A dinna hmunah lungte rem zawlin tlawh nuam takin buatsaih a ni ta. Tachhip khaw hmar lam Bangla kiangah a la ding luah a. Chu chu Aizawl aṭanga Hmuifang tlang panna kawng Km 22 vela hla a ni.

3. Tripura ramah Independent a puang:

Mizo hnahthlak hnam hrang hrangin thlang an tlak lai khan, Sibuta pawh hi thlang a tla zui ve nghal a. Chu chu kum 1794 vel a ni mai thei. Mizo hnahthlakho chuan Tripura ram hmar lam leh hmar chhak lam an bawh a. Kum 30 vel an awm hnu chuan an lo pung ve ta hle a. Kum 1824-ah khan 50,000 atanga 60,000 vel an tling tawh a. Chutih lai chuan India hmar chhak pumpui hi Calcutta aṭangin Governor-in a awp vek a ni.

Hun a lokal zel a. Tripura ramah lal thar, Krishna Krishore Manikya a lal a, a hun chhung chu 1830-1849 a ni. Ni 27 December 1838 khan Tripura chuan Independent a hmu a. Tichuan Bengal Governar enkawlna ata chu a chhuak a, mahnia ro inrelin an awm ta a ni.

Mizo Lalte Chanchin Vol- 1 page- 45


Chumi hnu rei vak lovah chuan, Mizo hnahthlakho pawh chuan Tripura lal hnuaia awm chu an duh bik lo va. Sibuta chuan mahnia ro inrel ve duhin Independent a puang ve ta chawt mai a ni. Mizo hnahthlak chhungkaw 25,000 laiin an zui nghal a. Chumi hnuah chuan Tripura lal pawh chuan a thunun thei bik lo va, zalen takin a awm ta a. British sawrkar pawhin a pawm zui ve nghal ta a ni.

Hei hi a pawimawh viaua a lan laiin, kawng lehlamah chuan, hetih hun lai 1838 velah hi chuan Mizo lal dang tu mah hnam dang lal hnuaia intulut an la awm lo va. Sibuta hi a intulut hmasa ber a tih theih zawk a. Tichuan a tal chhuak leh ta mai a ni e, tiin a chhut theih ve bawk.

Mizo history-a Sibuta pawimawhna:

Sibuta chanchin hi a mak hle a, ropui dan pawh a nei. Khawvelah hian mi nunrawng leh mak tak tak an awm ṭhin a: chungte chuan ṭhat dan leh ṭhat loh dan pawh an nei a. An awmdan ang ang chu hnam tan a chhe zawng emaw, a ṭha zawng emawa hriatreng theih a ni ṭhin. Sibuta pawh hi chutiang bawk chu a ni ve. Khawvela chanchin mak pui pui leh danglam tak tak kan hriat ṭhinte chu Sıbuta thiltih hian a khing ve phak a. Mizo chanchin a tiropui a, a tingaihnawm bawk a ni. Chung a chanchina thil mak tak takte chuan Mizo history ah hmun pawimawh tak a luah ve a, i lo thlir teh ang.

Kan sawi tawh ang khan Sibuta lal a lo nih dan kha a rapthlak ngawt ma. A pa a that a, a nau lal ngei tur pawh a tihlum bawk. A mak tih loh rual zawng a ni lo. Mizo chanchin chauh ngaihtuah chuan thil ṭha lo tak a ni ngei mai a, a zahthlak dan pawh a awm thei.

Khawvel chanchin zau zawka kan thlir erawh chuan mi hnam chanchinah pawh mak tak tak leh rapthlak fe fe a

 

Mizo Lalte Chanchin Vol- 1 page- 46


awm ve tho va. Heroda Liana nunrawnzia kha a rapthlak ngawt mai. Ama nupui leh ama fate ngei a that vek a. A thih hunah ṭahtu an awm lo vang tih hlauvin a thih ni chuan a ram chhung chu tahna leh rumnaa tih khah a duh a, mi lian zawng zawng thah vek tur thupek a chhuah a ni. Chutiang bawk chuan kum zabi 17-naah khan India rama lalte zinga mi, Aurangjeb-a pawhin lalna a chan theih nan, ama pa ngei mit a kher chhuahsak a, a tihlum a ni.

Hnam tin zingah a chak chak leh a huai huai lal hun a awm a. Chung hunah chuan mumal tak leh fel taka lal reng theih a ni lo va. mi dangin an luahlan leh ṭhin a. Chumi hnuah chuan fel tak leh mumal takin rorelna a awm leh ṭhin a ni. Mizoramah pawh chutiang lai chu a awm a; Sibuta hi chutiang huna mi chu a ni. Khawvel history pangngai ang bawk Sibuta hian a tawng ve a; chu chu Mizo history-ah a lo lang ve a ni.

Darlalpuii chanchin kan hre tawh a, Sibutan khuangchawi nan sechhunin a chhun dan pawh kan hmu a, a rapthlak hle. Mizo hnahthlak zinga thleng ngai lo, a hnu pawha awm leh ngai hauh lo tur a ni ang. Khawvel chanchinah pawh thil mak leh rapthlak a tling phak hial awm e.

Mizo chanchin ngawt ngaihtuah phei chuan ngaihthiam a har lehzual. Amaherawhchu a tum ber zawng phuba lak a ni a. Khawvel chanchin kan ngaihtuah chuan mi huaisen leh nunrawngten phuba laknaah rawng tak leh diriam takin mi tam tak an that ṭhin tih kan hria a. Tun hnaia Bangladesh ram hruaitute chungchangah pawh chutiang chu kan hmu a. Khawvel hnam hrang hrang chanchinah a awm ve fo.

Chutiang mi huaisen leh rorumten an tih ṭhin ang chu Sibuta hian a lo ti ve a. A naupan laia amah tiduhdahtu leh nghaisa ṭhintu ngei chungah rawng takin a che a ni. Chu

 

Mizo Lalte Chanchin Vol- 1 page- 47


chu Mizo history-ah a lo lang a, hei hian rawng taka chet a ṭhat lohzia leh phuba lak ṭhat lohzia hnam kal zelin a hriat theihna a ni.

A damlai lungpbunnaah mi pali ngawt Sibutan a that hi ngaihthiam har tak leh thil rapthlak tak chu a ni leh ngei maí. Hei hian entir a neih chu a hun laia lalte lalzia leh mi dang dinhmun hnuaihnunzia a ni.

Hnam tin zingah thil ropui leh hna ropui tak an tihin, mihring thisen a ngaiin an hre tlat ṭhin. Tlawng lei an dawh laiin, a lei banpui tur phunnaah mihrıng an phun tel tih titi a awm a. Manipurah Loktak dil la peng a, tlang an verhin chutiang titi chu a awm leh, Karbii Anglong ramah pawh hetiang chi hi sawi tur a awm bawk. Mandalay kulh an siamin, Siampahranga (King Mindon) chuan a kil li tinah mihring phum tela sawi a ni bawk. Hengte hi thudik a nih leh nih loh hre chiang thei lo mah ila, hnam tam tak rilruah hetiang ngaihdan eng emaw hi a awm fo tih a lang a. Chu chu Sibuta rilruah pawh a awm ve a, lung a phunnaah Pawih pakhat a phun telin an sawi a. Hei hian hnam tam fe zinga awm chu Mizo history-ah lo lang ve a. Chu chuan mawl lai dinhmun a nihzia pawh a lantir nghal bawk a ni.

Tripura rama Sibutan independent a puang hi, hnam dang hnuaia Mizo lal intulut hmasa ber niin lang mah se, Mizo history a tikalhkim ve a. Kawng leh lama sawi chuan British sawrkar pawhin Mizo a ngaihsan phah a, a pawm nghal a ni. Mizo lalte reng reng pawh ‘Raja’ tih a ni ve nghal a, tlai khawhnuah pawh a lang zel. Chhim lama Mizo lal pakhat Lalluauva, Bualpui (V) pawh, Assam Chief Commissioner-in Mizoram, pumpuia ‘Raja’ ni turin a sawm a, aman a duh lo a nih kha.

Mizo Lalte Chanchin Vol- 1 page- 48


Sibuta hi Tripura rama awm mah ni se, Mizo history-ah hnuhma nei khawpin a che a. Mizo hnam a chawimawi a, hma lam thlirna tur kawng eng a siamsak bawk a ni.

Sibuta hun A.D. 1765-1840:

Sibuta hi eng hun laia mi nge a nih chiang taka hriat theih a ni tawh lo va; amaherawhchu hnuhma nei ngah tak a nih avangin zeldın theih tak chu a ni a. Sial a chhun hmasakin, a khua aṭanga hla vak lova lal tlangval pakhat Ngura chu a sawm ve a. Ngura chu Hmuifang tlanga lal, Lallianvunga fapa a ni. Chutih lai chuan tlangval a ni a, Darlalpuii pawh neih a duh nghe nghe a nih kha.

Lallianvunga chu Lallula fapa pahnihna a ni a. Lallula chu Selesih sang sarih khuaa awm, 1747 velah lal hranga awm thei thama puitling a ni. Pawih ral hlauhawm lai ni mah se, Pu Kawlha remtihin Zopuia khua din turin a ti nghe nghe a. Zopui khuaa a awm lai hian, Run kama Ralte Siakeng ho chu a run a, chu chu 1750 vel a ni awm e. Tichuan L.allula chu khawchhak aṭanga Mizoram luh hnu, 1725 vela piang a ni mai thei a. a fapa Lallianvunga chu 1745 vela piang a nih hmel a. Tichuan Lallianvunga fapa Lalngura chu 1765 vela piangah a chhut theih awm e. Lalngura leh Sibuta chu inkawm rual, sechhun tum pawha insawm rual an nih avangin inrual tlangah dah theih a nih hmel a. Sibuta hian nupui a neih tawh avangin a upa hret mai thei a. Mahse 1765 vel hi a pian kum chu a ni mai thei bawk.

Sibuta chu thlang a tlak kum 1794 vel chuan kum 29 vela upa a nih ring ila, 1838 vela Tripura rama Independent a puan chuan thlah tam fe a nei tawh a, kum 73 vel a ni tawh mai thei. Heng hnu hian a dam rei tawh lova, a fapa Chung Polun chuan a ai a awh a ni. Tichuan Sibuta chu kum 1840 velah, kum 75 vel mi niin a thi a. A hun chhung

 

Mizo Lalte Chanchin Vol- 1 page- 49


hi AD. 1765-1840 vel niin chhut ta ia, a pawm a nuam awm e.1

A thlahte chanchin:

Sibuta chanchin hi a mak a, engti kawng zawnga sawi pawhin sawi dan phir a awm zel a. A thlahte thu-ah pawh sawi dan dang dang a awm. Ziaktu ṭhenkhat chuan Sibuta chu thlah nei lovin Mizorama thi niin an sawi a. Chutiang ni awm tak chuan hlaah pawh a lang:

Pi pu serh reng, zunfei maw i chawi,
Lentiang a bo, darkim i chawi reng lo ve,

an lo ti a. He hla thua Lentiang hi fa tihna, darkim hi fa hrin tihna niin an sawi. Tichuan a awmzia chu, pi puten se chhun nan chauhva an hman, an serh em em ṭhin se-fei chu mihring chhun nan i hman avangin fanau i neih loh phah a ni, tihna a ni.

Mahse Sibuta chu a thi mai lo. Sial angin mihrıng a chhun hnuin a damlai lung a phun a. Chu chu 1794 vel nia sawi a ni. Chumi hnuah a hnam unaute thlangtlak rualin a chhuk ve a, Tripura ram thlengin a tawlh thla a ni.

A thlahte chanchin pawh hetiang hian kan hre zui zel a. Mahse ama chanchin ang bawkin a thlahte chanchinah pawh sawi dan phir a awm ve zel a. Mızote sawi dan chuan a thlahte indawt dan hetiang hian a chhui dawn theih a. Sibuta fapa Lalrihua, Lairihua fapa Lalsuthlaha, Lalsuthlaha fapa Lalchhutkhama, Lalchhutkhama fapa Ngursailiana, Ngursailiana faapa Lalhuala.2

 1.Heng kumte hi Rev. ZT Sangkhuma ziak ang ngai ngaiin dah a ni a. Mi dangte pawhin chhut dan dang an nei mai thei a.
2.Pu Sailiana Tripura ram sawi dan a ni.

Mizo Lalte Chanchin Vol- 1 page- 50


Lehkhabu ṭhenkhata a lan dan chuan, Sibuta thlahte chu hetiang hi a ni a. Sibuta hian fapa pathum Chung Polun, Kojasir leh Lal Pooee May a nei a. An fate pawh, Chung Polun fapa chu Lal Koleem a ni a; Kojasira fapa chu Botai a ni a; Lal Pooee May-a erawh chuan fapa pathum-Lindoo, Laroo leh Bontai a nei a. Anniho pawh hian fapa an nei leh hlawm a. Lindoo-a fapa Lal Holun, Laroo-a fapa Lal Chokia. Bontaia fapa Lallmee Sing a ni. Tin, Lal Chokla fapa chu Dokunipor a ni a. 1

Heng hi Mizo hming vek a ni a. Saphovin a ri an hriat dan aṭangin an ziak a, tu nge an nih leh eng tihna nge hriat a har tawh hle. Mizo sawi dan nen pawh sawi zawm a har a ni. A sawi zawm theih ṭhenkhatte chu, Laroo chu Lalrihua a ni a, Lal Chokla chu Lalsuthlaha a ni a, Bontaia chu Vantawia a ni awm e. A tute hi nge Lalchhutkhama ni a, Nguisailiana ni ang tih hriat a har hle.

Sibuta thlahte hi a mal malin an chanchin kan hre kim thei tawh lo va. Kan hriat theih ṭhenkhat erawh chu, Lalrihua hi thlang a tla zel a. Tuna Bangladesh rama Lungtian khuaah khuan a lal a. Ṭhenkhat sawi dan chuan, khu khua khu ama din a ni a. Lungtian tih tak pawh hi ama tian a ni a; a khuain hmingah a pu nghal a, lal ropui tak a ni bawk.

Lalrihua hi ni 16 April 1844 ah a thi a. A fapa Lalsuthlaha chuan a ai a awh a. Hetih lai hian thil mak tak a awm. Lal reng reng chuan an khua an chhuahsan chuan, chhiahhlawh tam takin an zui tur a ni a. Chutiang bawkin an thih pawhin lal lu phumnaah mi dang lu tam tak an phum tel tur a ni. Lalrihua a thihin Lalsuthlaha pawh chuan, a pa phum ruala phum tel tur chu a duh ta a, Protapgarh rama Kochari khuaa Manipur leh Bengali ho chu a that ta chiam a, a pa phum rual chuan a phum tel a ni an ti.

1.Mackenzie, A.; The North-East Frontier of India, 1979, p.290-1

Mizo Lalte Chanchin Vol- 1 page- 51


Chumi avang chuan Tripura lal Krishna Kishore Manikya chuan British sipaiho a pun a. British sipai chuan, Capt Blake Wood a hovin, Lalsuthlaha khua chu an hual ta a. Lalsuthlaha chu an man a, Black Wood-a chuan ni 4 December 1844 ah dam chhunga tang turin Hajarribargh Jail-ah a thawn ta a ni.

Mi dang chanchin kan hre thei lo va. Sibuta thlah zinga lal hnuhnung ber Lalhuala erawh chu August 1988 hian a la dam a. Kailasahar District Darchawi khuaah a awm a, kum 65 vela upa a ni. Hei hi Sibuta thlah kal zel chanchin kan hriat theih chu a ni.

Hétiang hian a thlahte chu lo thlir ila:

 

Mizo Lalte Chanchin Vol- 1 page- 52


Hei hi lehkhabu ṭhenkhat leh Mizo sawi dan chhuizawma dah a ni e.

Reference:

1.Ngurliana,. Brig. : Kan Ram, Aizawl, Gosen Press, 1987

2.Liangkhaia, Rev. : Mizo Chanchin, 1986 (4th Edition)

3.Mackenzie, A. : The North-East Frontier of India, 1979

4.Menon, K D.: Tripura District Gezettcer, 1975

5.Choudhury, Nalini Rajan Roy: Trpura Through the Ages, 1983

6.Liangkhaia. Rev. : Thuthlung Hlui leh Thar inkar, 1964 (2nd Edition)

7.Sangkhuma, Rev. Z.T. : Sibuta Chanchin, (M/s) 1989

8.Shakespear, J. : The Lushai Kuki Clan, I. 1975

9.Siama, Pu V.L. : Mizo Chanchin, 1963 (4th Edition)

10.Zatluanga, Pu : Mizo Chanchin, 1966

11.Zawla, Pu K. : Mizo Pi Pute leh An Thlahte Chanchin, 1966

Interview:

1.Ngultinloia, Kailasahar District, Betsora khua

2.Lalhuala, Rev., Pensioner, Kohzii, T.B.CU.. Darchawi Tripura, 1988

3.Lalhmingsanga, Pu: Kohzai Tirhkoh. Avoamura khua

4.Salliana, Pu : Additional Director, Tribal Welfarc Department. Tripura, 1988

Mizo Lalte Chanchin Vol- 1 page- 53


He Sibuta chanchin hi Rev. Z.T. Sangkhuma ziak a ni a. Chapter title hi ‘Sibuta’ tih a ni. A book information chu

Lalthangliana, B. comp. and ed. Mizo Lalte Chanchin Volume 1. Aizawl: Tribal Research Institute, Mizoram. 1989

Sibuta lung, Sibuta's stone, Sibuta's memorial, Mizoram megalith, Mizoram monoliths, Sibuta monolith,
Sibuta Lung

Sibuta lung

Leave a Reply

Your email address will not be published. Required fields are marked *

error: Content is protected !!