Sakeihmun Khualzin Chawlhbuk

Sakeihmun hi Kolasib District-a Zanlawn khua leh Serkhawn khaw inkara bawk khawh a ni a. Sakeihmun hming hi Serzawl leh Sunhluchhip lal lo ni tawh Lalsakeia hming chawia Sakeia hmun tihna a ni a, tun hnu hian Sakeihmun tiin sawi a ni ta a ni. He lai hmun kawng sir tuakah hian khualzinte dawr theih turin chawhmeh leh hmawmsawm te an zuar a, thingpui dawr an siam bawk a. Kolasib tlangdunga zinte chuan chawlh nan ber an hmang tawh a. Tun hma lam chuan khualzin phur motor, Kolasib leh a chhehvel khuate leh Aizawl inkara veivakte phurtu tam ber hi chuan Lungdai khua hi chawlh nan an hmang ṭhin a ni.

Heng lai thingpui dawr siamte hi zanlawn khaw mite an ni hlawm a. Thingpui dawr hi zing dar 6 leh a chanve bawr velah hawng ṭanin zan dar 8 vel thlengte inhawn chang an nei a, sum lakluhna ṭha tak a tling a ni. Helai Sakeihmun leh ram vel hi hi Mizo thlahrang film siam hmasak ber kum 2003 a tih chhuah ‘Lungpuk Thlam’  film siam nan an lo hmang tawh a ni. Tin, he Sakeihmun aṭanga Aizawl lam pana thui lote kal hian rambuai hun laia MNF hoin India sipaite an lo lambunna hmun chu a awm bawk.

Place – Sakeihmun

Location – 23.955800, 92.722789
Sakeihmun PIN Code – 796070

Leave a Reply

Your email address will not be published. Required fields are marked *