666 HI HLAUH TUR NGE, TU BER HI NGE, ENGTIK A THLENG TUR NGE?
SAKAWLH HLAU SUH

Apuii Chawngthu

666 rawn lan hmain rapture (mithianghlim lawr) a awm dawn, rapture hnuah Daniala hapta tawp ber Israel hovin an hman bang Hapta khat chu chu kum 7 kha an hmang leh anga, chu kum 7 chu kum 3 leh chanve ve ve a then a nia, kum 3 leh chanve hmasa zawk an hman zawh hnu in an thurual pui pain a phatsan anga, amaha rorel a tum anga kum 3 leh chanve hnuhnung zawkah hian 666 chu lo lang ang, chuan USA ni lovin Russia hi Israel in a kawp tur leh a la phatsan tu tur chu a nih hmel.

Bible a kan hmuh kel pa chal insual a chak vang lai taka a ki tliak ta hmawk, a bul a a ki dang tereuh te te sawm rawn chawr chhuak khan Europe khawmualpui atang hian ram sawm an rawn in telkhawm dawn tih a entir nia ngaih a ni ber.

Bible a kan hmuh angin Israel ho te kha Pathian in hapta 70 a pe a, hapta 69 chiah an hmang hman a, hapta 1 la awm hi ka rawn sawi ang khan an la hmang leh dawn. Mi sawi thaih mai mai a kan buai loh nan Daniala hapta te hi kan hriat ve hi a angai a nia, heta biblein hapta a tih hi kum hapta tih pawh kan hriat a ngai, kum 7 hi hapta khat, bible pawn ami chu pawm loh tur.

Thil 1 kan hriat atana pawimawh ve mai mai, he judate hapta 70 na an hman zawh rual rual hian kum sang rorel kan tih, Isua leh a mithianghlim ten kum 1000 ro an rel tur pawh hi a lo thleng a, hemi kum 1000 chung hi bible in setana leilawta a phuar beh a tih kha a nia, setana hian tumah he kum 1000 chhung hian a ti buai dawn lo. He mi hunah hian bible sawi angin nausen kum za a nih a thi chu hlamzuih an ti anga, mihring dam chhung chu thing dam chen a ni leh dawn.

Mithianghlim lawr zawh rual chiah in Daniala hapta (judaten kum 7 an hman tu) a in tan ang. Hemi chhung hian biblein hremna leh phuba lakna a soi rapthlak tak tak Thupuan bung 6 to 19 a a sawi ho hi a thleng bawk ang.

Kum 7 ( hapta 1) kha kum 3 leh chanve ve ve in an then kan tih kha.

A kum thum leh chanve hmasa zawkah hian-

Sakawlh (Krista dodaltu) leh Judaten kum 7 atan thuthlung an siam ang. Daniela 9:27ah en rawh. Judate hnenah thu hretu 2 in ni 1260 (kum 3 leh chanve chhung) thu an hril ang. Thup 11:3 Lal sawm inzawmkhawm (dan bawhchhepa) leh kohhran kal sual (nawhchizuar) an in kawp ang. Thup 17

Hemi kum 3 leh chanve hmasa zawk ral dawnah hian sakawlh (dan bawhchhepa) hian judate nena thuthlung an siam leh Pathian dan te a bawchhia anga, an inthawina thil te a tih chhiat sak ang. IIThess 2:8-9

Kum 3 leh chanve ral veleh hian sakawlh hian a kawppui kohhran kal sual (nawhchizuar) chu a duh lo anga a ti boral ang.

Kum 3 leh chanve hnuhnung zawka thil lo thleng tur ve thung :

Sakawl kan sawi a kha a din lohna tur hmun thianghlim (jerusalem temple, lal solomona sak, tuna muslim hovin an luah mek khu) ah a ding anga, Pathian ang hialin a in siam ang. Hemi hunah hian hrehawm rapthlak tak a lo thleng ang. Dan 9:27, Matt 24:15-22

Hemi kum 3 chanve (thla 42) chhung zawng hi sakolh hian jerusalem khu a awp bet ang a hremna rapthlak tak tak bible in a soi Thup 6-19 ami te hi a lo thleng ang.
Dan bawhchhepa hian PAthiana an apuang leh sakhua zawng zawng a dovang. II THESS 2:4

Sakawlh leh a lem chibai buk duh lote chu tihhlum theihna sakawlh hian a nei ang (sakawlh hi sorkar kha nia).

Tah tak hian lom 666 CHHINCHHIAHNA KUT DINGLAM EMAW CHALAH EMAW neih a ngaih hun tur chu. Tun mai a thleng tur ang a an sawi hi chu a la hla deuh.

He hun topah hian indona rapthlak HARMAGEDON indopui, indopui IIIna kan tih fo hi a lo thleng ang.

Kan hriat ve mai mai ah, mithianghlim lawr zawh hnu pawh hian a lawr bang ho hi kohhran kan kal ang hian kan la kal reng dawn tho, mak ve khop mai

hriatthiam awlsam dan ber chu kum 7 chhung hi special takin Pathian in Judate hman tur bik liau liau in a lo siam a, chu kum sarih chu rapture (mithianghlim lawr) zawh rual chiah in an hmang tan nghal ang. Chu kum sarih chu lawm Daniala hapta an tih chu.

Khita ka ron sawi teuh khi kum 3 leh chanve hmasa a thil thleng tur leh hnuhnunga thil thleng turte biblein a sawi a ni e, 

Chuan 666 kan tih ziah chhinchhiahna kut dinglam emaw chalah emaw tih pawh kha kum 3 leh chanve hnuhnung zawkah khian a lo thleng ang.

Mithianghlimte Lal Isuan van boruaka a seng hunah kohhran kal sual ( kohhran) a kal mup mup lai leh Judaten an hapta an hman a thuthlunghlui huna an in thawina anga an tih leh lai tak hian Lalram 10 inzawm khawm, khawvel awptu One world Government chu a lo ding bawk ang.

Thupuan 17:13 a sawi angin chung Lal 10 te chuan thukhat vuain an thiltihtheihna leh thuneihna chu sakawlh hnenah an pe ang.

He lal ram 10 in zawmkhom tur te hi Nebukadnezara mumanga milim lian pui tlang atanga lungpui lo lumin a delh chhiat tak, danialan a hrilhfiah sak, kezungtang 10 nei a tih kha a ni e.

AD 96 a Patmos thliarkara a Johan an, sakolh lu sarih leh ki 10 nei tuifinriat atanga lo chhuak a hmuh nen poh he Lal sawm in telkhom hi thuhmun a ni, “Ki 10 i hmuhte kha lal 10 ram la nei lote an ni” Thup 17:12

Leave a Reply

Your email address will not be published. Required fields are marked *

error: Content is protected !!