Rumlianan nula ho Tuirial lui lian a dai kai pui meuh chu ‘Rumlian thi rawh’ an ti zel a

Ṭum khat chu Rumliana hoin Khumtung nula ho chuan Tuirial lui lian an kan dawn a, tun hma chuan lei a la awm loh avangin lui chu a daia dai kai a ngai ṭhin a. Tuirial lui chu a len tham em avangin tui tam lai chuan dai kai mai ngam a harsa a. Hemi ṭum pawh hian hmeichhe ho chuan anmahnia tui dai kai chu an hreh viau mai a. Pa dangdai leh titi ngah, chanchin mak tak tak nei leh pa phawk Rumliana chu anmahni hruai kai turin an ngen ta tawp mai a.

Tuirial, sonai river, tuirial river, mizoram river, mizo lui, mizoram lui, lui lian, rumliana, tuirial chanchin
Tuirial lui

Rumliana lah mi nasa, mi danglam reng reng hi a ni a. Chutia nula a hruai kai turho chu a mal te tein lui chu dai kai pui a tum ta a. A hruai tur apiang chu a sazu-ah a man tir a, nula chu an hnuteah fet takin a ṭham sak bawk a. Chuti kher khera Rumlianan tih a han tum chu nulaho chuan an duh lo em em mai a, mahse Rumlianan a hruai kai loh chuan an dai kai ngam bawk si lo.

Tichuan Rumliana chuan nula ho an hnuteah a khawih sak a, a sazuah a inmanbeh tir zel a. Tichuan Tuirial luipui chu a dai kai pui ta a. Vau kam lehlam a thlenpui tawh apiang chuan “Rumlian hmelchhepa, thi daih rawh” tiin anchhia an lawh mawlh mawlh zel a. Chutih rual chuan a la hruai kai loh te khan “Mawiah la thi miah suh ang che” tiin anmahni a hruai kai ve phawt an duh bawk si a. Rumliana chuan nula ho taksa awmdan  chu a hre chiang hle awm e.

Rumliana hriatrengna lung
Helai hi a thlan tak tak awmna hmun a ni lo

Kum 1921-ah 1st Assam Rifle-ah a tang a. Kum 1927-ah a bang a.
1942-ah V.Force Pasaltha ‘B’ leader a ni.
1943-ah Lushai Scout Corp-ah L/nk a ni, 1946-ah a bang.

Hemi ṭuma Rumlianan a hruai kai hmeichhiate hi an fate an la dam avangin an hming thup a ni a. I hre chak tlat a nih chuan comment lamah aw

 

2 thoughts on “Rumlianan nula ho Tuirial lui lian a dai kai pui meuh chu ‘Rumlian thi rawh’ an ti zel a

  1. Pu Rumliana hi chu a ngaihsanawm tak zet a ni. A hming han lam zawngte hian kan PAte pian kum vela thi tawh kha nimin mai ang hian thinlungah a thar tlat thin. Nulaho hming hriata an daikailai chanchin zawh ve a chakawm viau mai

Leave a Reply

Your email address will not be published. Required fields are marked *

error: Content is protected !!