Pu Buanga leh Sap Upa te sulhnu pawimawh thenkhat

Pu Buang tia Mizoten an hriat lar Rev. J.H. Lorrain (1870 – 1944) leh Rev. F.W. Savidge, Sap Upa (1862 – 1935) te hi kum 1894-ah Mizoram an lo lut a, Mizote chu A, Aw, B an zirtirin zirna sikul an ṭan sak a, chutih rual chuan Chanchin ṭha an hril pah zel bawk a. Anni hian Mizote Kristian hla hmasa ber ‘Isu vanah a awm a’ tih chu an siam bawk  a ni.

Pu Buanga thlalak, Sap Upa thlalak, Pu Buanga Image, Sap Upa Image, J.H. Lorrain photo, F.W. Savidge photo, Pu Buanga picture, Sap Upa picture, Pu Buanga face, Sap Upa face
Pu Buanga leh Sap Upa
Pic credit : Tlangrokhuma

Dictionary of the Lushai Language : Pu Buanga leh Sap Upa te hi rawngbawltu mai an ni lo a, Mizote tan kawng hrang hrangah sulsutu an ni pah bawk a, chung zingah chuan English to Mizo Dictionary an siam hi sakhuana kawng loah chuan an sulhnu ropui ber pakhatah a chhiar theih ang. He Dictionary hi kum 1940 a chhut chhuah a ni a. He Dictionary hi Sap Upa leh Pu Buanga ten a buatsaih hna hi an thawk dun nia hriat a ni a, mahse Sap Upa hi Mizoram atanga haw hmasa zawka a ṭan tak avangin Pu Buanga hian a hmingṭhat a tel zual bik niin a hriat.

Dictionary of the Lushai Language, Pu Buanga DIctionary
Mizo to English Dictionary

Lungrang Biak In : Pu Buanga te awm lai hian kum 1919-ah Harhna vawi thumna Mizoram pum tuam chhuak harhna a lo thleng a, he harhna hi a thlen nasatna hmun langsar tak pakhat chu Lungrang khuaah a ni a. Zing chaw ei khama an zai khawm, hla pakhat an sa hi zanriah chhum hun thleng pawhin an la sa nawn / la nawn ṭhin tih an sawi. He Lungrang harhnaah hian Pu Buanga pawhin Pathian hnathawh ropuizia chu a hmu chiang em em a. Kum 1919-a Lungrang Inkhawmpui-ah chuan heti hian thu a sawi a. “Kalvari tlang hi a hmun ngeiah ka hmu tawh a, nimahsela he Lungrang Biak in Sut bul aṭang hian Kalvari tlang chu a lo lang chiang zawk a ni” a ti a ni. He Lungrang inkhawmpui an hmanna hmun, an Biakin hmun hi tun thlengin ṭha taka humhalh a la ni a ni.

Thlalak – 1919 -a Lungrang Biak in hmun
Location – Thiltlang khaw hmar lam tlang
GPS Location – 23.027144, 92.925852

Lungrang Biak in hmun

Lungrang Harhna hriatrengna lung
Lungrang, tawngtaina in Lungrang, Lungrang khua, Thiltlang leh a chhehvela hmun pawimawh, Thiltlang khuaa Mizo hmun pawimawh
Lungrang tawngtaina in

Pu Buanga tawngtaina puk : He lai hmun hi Pu Buanga tawngtaina hmun nia hriat a ni a, amah zahna leh ngaihsanna lantirna atan a ṭawngṭaina hmun hi zah taka vawn ṭhat leh chei bawl zui a ni ta a ni. Location : 23.025918, 92.924747

Pu Buanga tawngtaina hmun, Pu Buanga tawngtai, Pu Buanga ṭawngṭai,
Pu Buanga tawngtaina puk

 

Pathian Tui : Thiltlang khua chhak lam, an khaw hlui Lungrang hmunah hian Pathian tui an tih chu a awm a, hei hi tunhma Kristiante tuikhur ṭhin niin an sawi. Mizoram-a Kristianna a lo luh  khan Lal leh a ṭhuihhruaite leh mi tam takin sakhaw thar Kristian sakhua chu an lo duh lo a, an theihtawpin an dodalin an nekchep ve a, khuaa aṭanga hnawhchhuah emaw velh emaw chu Kristiante an hrem dan langsar tak a ni. Lungrang khuaah pawh hian Kristian-a inpe te chu an duh lo em em a, vantlang tui tlan lai tuikhur pawh an chawi ve an khap a, tichuan Kristiante chuan tui an zawng ta a, helai tui hna hi an hmu chhuak ta niin an sawi. He tui hi mi tam takin Pathian tihdamna keng tel niin an ring a, tun kum sang hnih hnu lam thleng pawh hian Pathian malsawm tui niin an la ngai a ni.

Pathian tui – Location 23.026124, 92.927651

Pathian tui, God Blessed water, Kristian tui, ringtu tihduhdahna, Lungrang khua, Harhna thlenna, Kum 1919 harhna, 1919 Harhna,
Pathian tui – Lungrang hmun

Sap Tui : Sap Tui hi Sap Upa leh Pu Buanga ten kum 1903-a Serkawn hmuna tuikhur an siam a ni a. Helai hmun hi tun thlengin vawn ṭhat leh chei zui a ni ta zel a, sawrkar pawhin heng hmunte hi a pawimawhzia hriain theihtawpin a vawn himna atan sum a thawh fo ṭhin a ni. He tuikhur hi kum 2019 thleng hian chawi tlakin thianghlim takin a la awm reng a ni. Location : 22.906832, 92.759556

Sap tui khur, Sap tui, sap tui thlalak, sap tui picture, sap tui image, saptui, Saptui serkawn, serkawn saptui, serkawn saptui, Pu Buanga tui, Pu Buanga tuikhur, Sap Upa tui, Sap Upa tuikhur, Sap siam tuikhur, Missioanry te sulhnu
Sap tui

Pu Buanga ṭawngṭaina : He Pu Buanga ṭawngṭaina hmun hi ‘Hnahthial to Lunglei’ inkar kawng, kawng sir kawng chhak lama awm a ni a, he hmun hi ṭha taka chhinchhiah zui a ni.

Pu Buanga tawngtaina

Pu Buanga leh Sap Upa te lim : He lim hi Serkawn Baptist Headquarter hmunah Sailungvar hmanga mawi taka siam niin helai hmun cheimawitu tak pawh a ni a. He lim hmuh rual hian Pu Buanga leh Sap Upa te hlutzia leh an hnathawh min ngaihtuahchhuahtirtu a ni fo. Tin, heng Missionary te sulhnu vawn ṭhat hmun tam takah hian Bible chang thu pakhat “In hotu, Pathian thu lo hrilhtute che u chu hre reng ula, an awm dana thil chhuak chu ngaihtuahin an rin dan zir rawh u.” Hebrai 13:7 tih chu tar chhuah a ni fo a ni. Pu Buanga leh Sap Upa te hi kum 1894 – 1897 inkar Mizoramah an awm a, hemi hnu hian anmahni sponsor-tu Arthington-a chuan a chawm zui theih tawh loh avangin England ramah an haw leh a, kum 1903 March ni 13-ah Baptist Mission Society, London tirhin Lunglei an rawn lut leh a, heta ṭang hian Sap Upa chu kum 1925 thleng a thawk a, Pu Buanga chu 1932 thleng a thawk zui a ni. Location : 22.907743, 92.758223

Pu Buanga lim, Sap Upa lim, Pu Buanga lem, Sap Upa lem, Pu Buanga thlalak, Sap Upa thlalak, Sap Upa leh Pu Buanga lim, Sap Upa leh Pu Buanga
Pu Buanga leh Sap Upa te lim

 

Leave a Reply

Your email address will not be published. Required fields are marked *

error: Content is protected !!