Pathian remruat kan tih hi Pathian remruat a ni vek reng em?

-Lalrammuana Sailo

Mi thenkhat innghahna mumal nei lo ram hruaitu leh Pathian thu hriltu ka hmu thin. Tumkhat chu nipui laiin kan Kohhranah Evangelist team hian rawngbawlna an rawn nei a. An team member  te chu tualchhung miten kan thleng darh hlawm a. Ka pi leh pute zarah an Director  chuan kan in chu chaw ei nan a rawn hmang  thin a. Thu tha tak tak min hrilh thin. Malsawmna tawngkamte hi a dawngtu tan a hlu em em a, keini chhung chuan mi mal min sawmna tawngkamte hi hriat reng kan tum thin.

Cyclone Mahasen vanga Zoram a ralkhel zawh hlim kha a ni a, Laipuitlang chhiatna thleng te nen kan tukthuan ei laiin kan sawi kai chho zel a. Director chuan Cyclone Mahasen’in Zoram a kalsan tak chhante, Pathian mite tawngtaina rah liau liau a nih dan te ngaihnawm takin a sawi a. Chumi zawh Laipuitlang chhiatna kan han sawi kai chu ‘Pathian ruat lawk chu tihdanglam theih a ni lo, Pathianin rem a ti a ni mai’ ti zawngin tanhmun a siam leh si.

Keini lo ngaih ve danah chuan thu neitute chet muan vang a ni a, mahse ama ngaihdanah chuan Pathian remruat a ni miau a, tih theih kan nei lo a, tawngtaina meuh pawhin awmzia a nei tam dawn lo a ni. Chuti a nih chuan lirpui a lo nghing ang a, Pathian remruat a nih miau avangin a thi tur tur chu an thi mai dawn a, lo inven ve pawh a theih hmel loh viau mai.

Leave a Reply

Your email address will not be published. Required fields are marked *

error: Content is protected !!