Myanmar Model lar thar Thiri Shin Thant hnenah Lal Isua a inlar – Vulmawia Khiangte

June 1 ;- Thiri Shin Thant-i hi 1984 December 24, Lashio-‘ah a piang a. 2008 Miss Mingala Beauty Contest-naah Miss Photogenic titil hmuin a lar chho ta hle a ni. Buddhist chhungkua a piang a ni bawk a, Buddhist kulmuk tak niin zing tin, zan tin meditation-na (urhsun taka an pathian pawlna leh hun serh) neiin a invawng tha hle thin a ni.

Mahse, a nunah thlamuanna leh lawmna tak tak a nei ngai loh thu a lo sawi fo thin tawh a ni awm e. Kristian thian a kawm tam a, “Ma Ju” a tih nen phei hi chuan an in kawmngeihin an in lenpawh ngun hle a ni awm e. Ma Ju pasal, Ko Wai Tun te nen pawh inkawmin a chang chuan an inkhawmna-ah te a zui ve thin a ni.

Ma Ju te chhungkua nun hlim thinzia leh an nunah Kristiante lawmna leh thlamuannate a hmuh hian a awt ve ngawih ngawih thin a. Chutianga nun thlamuanna leh hlimna engtin nge a neih ve theih ang tihte hi a zawt thin a ni awm e.

Tichuan, Hindu sakhua atanga Kristiana rawn inlet, Evan hmingthang tak, Rev.SanToe thusawinaah te an hruai a, inkawmna leh tawngtaisakna te an neih hnu chuan,

A nunah danglamna tlem neiin a inhria a, mahse, hlimna leh thlamuanna, a beisei em em ang chu a la dawngsawng chiah lo tih a inhria a, thlarau lamah chuan a tuihal nasa hle tawh a ni.

Tichuan, a Kristian thian pakhat, Mary nen intawngin, Shan ram Ta Chi Late-a Rev.San Toe Crusade-naah kal ve tura a sawmna chu hnial lovin, a zui ve ta nghal a ni. Hemi tum hi alawm Lal Isua a hmuhna ngei mai chu!

Rev.San Toe-an Lal Isua hmangaihna leh chhandamna chu thlarau thianghlim hriattirna nena a auchhuahpui lai tak mai chuan, Thiri ShinThant-i chuan puk mawi em em leh dangdai tak pakhat chhunga awmin a inhmu ta a, kawr fual var mawi em em hi a lo ha a, nidang ai maha nalh leh mawi em emin a lo awm a.

Puk chhungah chuan Lal Isua Krista a thu hi a va hmu ta a, tichuan, a kiangah va thuin, Lal Isua mal chungah a biang a nghat a. Lal Isua chuan a sam te chulsakin,

Ka fanu, ka longhak reng che a sin,” a’n ti ta mai chu, ka thinlung chhungrilah hian lawmna leh thlamuannain ka khat ta a, hei ngei hi a ni rei tak ka lo zawn thin thlamunana leh lawmna ngei mai chu’ tiin mittui nen testimony a sawi ta a nih chu! A va ropui tak em!

Kan tawngtainaah te i hre reng ang u. Buddha sakhaw bia Kawl ram mipui te, a fan te, a chhungkhat laina te ngaih dan chu a ni hauh dawn lo va, harsatna leh sawi chhiatna tam tak a tawk ngeiin a rinawm a, thlarau thianghlim awmpuina a ke a pen zel theih nan tih takzetin i tawngtaipui reng ang u hmiang!

Lalpa hming chu fakin awm rawh se!

Leave a Reply

Your email address will not be published. Required fields are marked *

error: Content is protected !!