Muallungthu khuaah Kawlaw bel chhunga ruhro dah chu laih chhuah a ni  – 20-2-2019

Dt. 20th February 2019 – Vawiin hian Muallungthua in hmun tur laihnaah kawlaw bel pahnih laih chhuah niin, kawlaw bel pakhat zawkah hian luruh 3 leh ruh dang tlem a awm a. Kawlaw bel pakhatah hian ruh tlem a awm thung. A bulah hian luruh dang a lo awm bawk.

Hmanlai chuan Lal emaw a chhung hnaite emaw an thihin an ruhro dah ṭhat a nih theih nan kuangah an ur ṭhin a. Mitthi taksa chu a filh zawh vek hnuah a ruhro chu a tawpah a bang ta ṭhin a, chu chu an chhungte chuan bel chhungah an dah ṭha ṭhin a, chhuan tam tak thlengin thlahtute ruhro chu an kawl thei ṭhin a ni.

Lallianvunga leh a thlahte ruhro an kawl khawm chu Ratu lal Lalhleia Sailo chuan Khanpui ramah a hlawmin a lo phum tawh a ni. Kuanga in ur hi Zatluangan ‘Mizo Chanchin’ a ziaha a sawi danin Lusei hnam mi ṭha deuhte pawh kuanga an inur ṭhin thu a sawi a. Amaherawhchu mi naran tan chuan kuanga in ur / ruang ruhro a chantir chu a hautak avangin tih ve mi a ni vak lo. Chuvangin tuna ruhro pawh hi Mizo lal te zinga mi a ni thei ang

Pic Credit – Lalthantluanga Chawngthu

\




Leave a Reply

Your email address will not be published. Required fields are marked *

error: Content is protected !!