Mizo puan chi hrang hrangte – a thlalak nen

MIZO PUAN CHI HRANG HRANG LEH ZETHLAN HRANG HRANGTE

– Boichhingpuii

(Note – He paper hi Art & Culture Department Director ṭhin Pi Boichhingpuii buatsaih a ni a, thlalakte hi kan dah chawp a ni. Arvertisement picture i hmuh chuan i lo click dawn nia, he site enkawlna man tum vetu a ni a)

Khawvel hnam hrang hrangte hian kan chenna leilung leh sik leh sa a zirin inthuam dan bik kan nei hlawm a. Mihring kan mawl lai chuan saruak zahmawh khuh nan leh sik leh sa laka inven nante thawmhnaw kan in bel a. Kan chenna khawvel a zirin kan thawmhnaw pawh a dang ṭhin a. Chutianga kan inthuamnate chu ram dang miten min siam/ruahmansak ni lovin a rama chengten kan mamawh ang kan siam a ni. Vur ram leh ram vawta awmte chuan thawmhnaw lum tak tak, kut leh ke thlenga tuam te an inbel chawk a. Keini tlang rama awm, chhuk chho a kal ngaite chuan puan awm khauh deuhte kan bih/veng tlangpui.

Mihringin silhfen a insiam hmasak ber chu Adama leh Evi’n a theipui hnah pawnfena an ṭhui khawm kha a ni a – an saruak zahmawh khuh nan a ni. Mahse Lalpa Pathianin chu aia ṭha leh tlo tur savunin kawr fual a siamsak ta a nih kha. Mipa leh hmeichhe thawmhnaw a hrang lo a ni ang, mihring thawmhnaw hmasa chu a ṭhui a ṭhui, a tah ni lo a nih chu.

Mihringin hma kan sawn deuh deuh a, thiamna leh hmanruate a sang zel a, kan silhfen siamna hmanrua leh siam dante pawhin hma a sawn ve zel a. Taksa khuhna mai bakah a mawina te, a tlo dan turte ngaihtuahin silhfen kan siam chho ta zel a ni.

Pi pu aṭanga kan chhawm hnam incheinate hi kan nihna leh ziarang tilangtute an nih avangin an pawimawh. A zethlan/ zeh dan leh ṭial dan aṭangtein hnam hrang hrang a hriat hran theih ṭhin. E.g. Naga ho zingah khuan sorkar pawm chin pawh hnam 16 an awm a. An hmeichhiaten puan an bih vek a, a sen, a dum leh a var a ṭial a ni tlangpui a. An hmel lah chu mi hrang tan chuan a inang viau leh nghal a. Mahse an hriat hranna awl tak pakhat chu an puan ze thlanah a ni. Ao, Sema, Agami leh a dangte khuan zethlan bik an nei ṭheuh a ni.

(This is mizoramimages.com please do not copy)

Chutiang chuan Mizote pawh hian pi pu aṭanga kan rochun puan leh a ze thlan dangdai bik tak eng emaw zat kan nei a ni. Chungte chu hnam dang ta kan lak chhawn ni miah lo a ni a. An hlu em em a, an nih dan dik tak a vawn ṭhat leh chhawm nun a pawimawh em em a ni.

Khawvel ṭhang zelah, in kal pawhna leh in hriat pawhna awlsam ta em emah hian incheina leh style te a ṭhang nasa em em a. Kan in copy zung zung bawk a. Eng hi nge, tu ta nge tih pawh hriat hran a har ta a. Kan Mizo puan leh ze thlante ngei pawh a danglam chak em em a. Ṭhatna tam tak pawh a awm a. Chutih rualin a hlui, hnam thil leh hming nei ang chi tih chingpen, tihdal leh tihbo a ni mek a. A nihna tak hria pawh an tlem ta hle mai a. A pawi tak meuh a ni.

Hmanlai kan pi leh pute chu kawng tin rengin an intodelh a. Silhfenah te pawh an intodelh a. Mizo hmeichhiate chuan la deh an thiam tur a ni a. Naupangte an nih aṭangin them lemin puan tah an zir ṭan a. An nulat chuan an inthuamna tur leh an pasal neih hun a an chhawm tur puan an tah a, an nei im em ṭhin a. Favang khaw ṭhatah an puan thul khungte a hmuar loh nan an pho chhuak a. A ngah chuan 20 te an nei a. Pho chhuah tur nei tam chu an chapo rilru viau ṭhin. An la hman te chu ram dang aṭanga lak luh ni loin a chin aṭanga a tawp thlenga an buatsaih a ni ṭhin. Hmeichhe fel leh nupui atana ṭha tehna pakhat chu la deh an thiam leh thiam loh a ni.

Historian tam takin an ziah dan chuan kan pi pute kha Kawl rama an awm lai kum 1200 hma lam khan silhfen leh puante neiin lo khawsa tawh mah se Kawlram an chhuahsan a, Than tlang an han luah khan a ram a ṭha loin, late an ching thei lova. Silhfente chu hruikhau thler sin a siamte a ni mai a. Len tlang an lo thlen thlak aṭangin late chingin puante an tah ta a ni.

A tirah chuan fenphel leh puan mawl te an tah a. Vawiinah chuan mi dang ta kan lak chhawn te nen phei chuan puan chi tam tak kan nei tawh a ni. Tuna kan sawi tur erawh hi chu hnam puan ti a kan chhal ngam, tuma ta copy ni lo leh 1945 vel hma lam a mi a ni. Chungte chu –

1.Puanngo – Puanmawl

2.Hmaram

3.Ngotekherh

4.Puanrin

5.Mangpuan

6.Tawllohpuan

7.Thangchhuahpuan

8.Puanlaisen – Puanchei

9.Pawndum

10.Pawnpui

Vailen hma chuan Mizoten rawng chi tam kan nei lova; a var, a dum leh a sen an ni mai a. A var chu a la rawng sa a ni a. A sen siam nan saphit te, sentezel te an hmang a, a dum a tan ṭing an hmang ṭhin. Tin, la parah a sen uk a tel ve ṭhin a, chu chu ṭial nan hman a ni bawk ṭhin. Chuvangin kan puan neih hmasate chu a var, a dum leh a sen a ṭialte an ni.

Puan chi hrang hrang te hi i lo bih chiang teh ang u:

PUAN NGO: Hei hi puan mawl, a var hlang, zeh awm lo a ni a. A tlangah inches 2 vel te pawhin a dumin an ṭial bawk ṭhin a. Mipa leh hmeichhe puan a ni. A tah dan pawh a mawl ber chi – mal kalh a ni mai a. Them thiam deuhin la an kai sin deuh a, an tah mawi deuh a ni mai. Them thiam lo deuhin an kai hraw a, an tah phawkphawhraw deuh a ni mai. He puan hi mi tin neih a ni. La parah hian a sen uk chi te a awm ve ṭhin a. Hemi hian a ṭhen chuan an ṭial bawk ṭhin. Vailen hnu a rawng chi hrang hrangte kan neih ve hnuah, rawng hrang hrangin puan tlang ṭial kan ching ve ta a. An ṭial dan tlangpuiah chuan a tlangah inches 4 vel ban a, chu mi hnuah a var nen inkar thlak a ṭial te rek a hmun 3 vel a ṭial a ni. Vai late kan hman hnuah pawh chutiang a ṭial chu hun rei tak chin chhun zawm a ni. A hnu deuhah chuan a vang zawng pawha rawlh ṭial te a ni ve ta a ni.

puan ngo, mizo puanngo, puanngo, puan-ngo,
Hmeichhiain a bih hi puanngo a ni
Pic credit – Hriati Sailo

HMARAM : Hei hi hmeichhe pawnfen a ni a. A hlai lo hle a, a vang 17/18 inches vel a ni tlangpui. A var a tungah hman a ni a. A pheiah a dum (ṭing dum) a hruih chhuah vek a ni. Ze mawi tak kawkpuizikzialte, disul te leh lenbuangṭhuam te an zep ṭhin. A zeh hi 2, 3 inches vel a hlai a ni a, hmun 4 ah zeh a ni, a karah ṭial te rek a zeh a ni zel. A tlang fip takin an zial a, an ṭhui ṭhin. A puan hi a hlai loh avangin taiah ah feng a, kawng chilh a suih ngheh a ni ṭhin. Fen phel an ti bawk ṭhin. Tun hnuah chuan hmaram fen hi chin zui a ni vak lo va. Lam thawmhnaw a tan leh Mizo nun chan entirnaah lo chuan fen chhuah a ni ta vak ngai lo.

Hmaram, Hmaram, Mizo puan, Hmaram mizo, mizo hmar am, mizo hmaram,
Hmaram thlalak
Pic credit – Irene Mami

NGOTEKHERH : Hei hi a var, a tlang a dum a hlai deuh, a khat tawk a te tak te te a ṭial a ni a. A dumin a hmawrah te tak te leh a khel pahnihah hruih a ni a. A khela hruih sirah kherhna a varin a awm a, chuvang chuan ngotekherh tih a ni. A tirah chuan mipa puan a ni a, hun eng emaw hnuah hmeichhia pawhin an bih ve ta a. Tun thlengin he puan hi kan la vawng nung reng a. Kan hnam puan zinga tih danglam lova vawiin thlenga chin zui awm chhun a ni hial awm e.

ngotekherh thlalak, ngotekherh photo, ngotekherh image, mizo puan, mizo textile,
Ngotekherh
Pic credit – Hruaitea North

PAWNDUM (ZAWLPUAN/ZAWLKENPUAN) : Pawndum tih a ni na a, a dum hlang a ni lo va, a sen leh a dum inches 3 vela hlaia dung ṭial a ni. Mizo in rawng chi hrang hrang a dum (rawng thlak) kan thiam hnuah a mawina turin a eng te, a pawl te leh a hring te a ṭial belh a ni ta a. A original ang kha chu hmuh tur pawh a awm ta lo. He puan hian Mizo nunah pawimawhna deuh a nei a. Hmeichhe pasal nei thuam chhawm zinga tel ve a ni a. A pasal vanduai thil thua a boral chuan he puan hi a ruang tuamna tur a ni. Tunlai thlengin hmeichhiain pasal a neihin a chhawm ṭhin. Pawndum hi mipa puan a ni a, Thingdim dawna bah ṭhin a ni. Thil ṭha lo lam leh lungngaihna, lungawi lohna lam entir nan hman a ni ta bawk a. Tunlai chuan mitthi vuinaah a pawl angte pawhin sun nan sin/bah a ni ṭhin. Chutih rualin hnam lamah te pawh hman a ni tho ta bawk.

Pawn dum, puandum, pawndum, puandum mizo, pawndum mizo, mizo pawndum, mizo puandum, mizo puan dum, mizo pawn dum, puan dum, pawn dum, mizo textile pawndum, mizo textile puandum,
Pawndum

PUAN RIN: He puan pawh hi a tung a var, a dum a hruih chhuah vek a ni. A khat tawkin a var a hruih ran zauh zauh a ni. Mipa puan a ni a, sei tak a ban a ni ṭhin. A sei zawng 80 inches te a ni a, a hlai lam erawh chu thembu a leng tawk a tah a ni a (20- 23″ vel). A zung ṭhui a ni a, fem a nei lo va, a tlang ziala ṭhui a ni. Tun hnuah hmeichhe bih tawk tur a tihdanglam deuh a ni ta a ni. Hmeichhe puan emaw tih a ni ta zawk.

puanrin, pawnrin, puan rin, mizo puan rin, mizo pawn rin, mizo puanrin,
Puanrin thlalak

MANGPUAN : Hei hi hriat dan a inang lo khawp mai a. A ṭhen chuan puandumah, a sen leh a ngo an kar thlak a, chutah chuan zung hnih beng zelah a sen leh a var an rawlh chhuak leh vek a ni an ti a. Mangpuan pawh hi thangchhuah puan a ni. Tun hnuah modify leh tih mawi deuh a diarṭial/thangchhuah puan kan tih tak hi ni berin a lang.

TAWLHLOHPUAN Hei pawh hi mipa puan a ni a, sei tak 80 inches vel a tah a ni. A tungah a var pan taka ban a ni a, ṭing dum a hruih chhuah vek a ni a. A khat tawk in a sen leh a varin zung khat bawk velin an hruih a. A sena hruihna tlangah a eng zai 2 lek an rawlh tel. A zung uluk takin pawnpui zung ṭhuiin a sen leh varin an ṭhui ṭhin. A tlangah fem a awm lo va, bahra ngul zem a ṭhui a ni. Hei pawh hi tun hnu 1960 vel aṭang khan hmeichhe bih tawk a tah niin inchei nan te hman a ni a. People Conferene Party President Brig. T. Sailo-a hote phei chuan 1975 vel aṭang khan party puan takah an hmang.

tawllohpuan, tawlh loh puan, tawlhloh puan, tawlh lohpuan,
Tawlh loh puan, Tawlhlohpuan

THANGCHHUAH PUAN : Hei pawh hi mipa puan a ni a, Thangchhuahpa ten an bah ṭhin a ni. Pawndum ang deuhin zung 4 bawk velin a sen leh a dum ban kar thlak a ni a. A senah chuan zung khat bawk vel a varin an bang bawk, a var laiah chuan selutun, mitmurual, halkha, semit leh a dangte an zep mawi ṭhin.

Thangchhuah puan, Thangchhuahpuan, Thang chhuah puan, Thang chhuahpouan,
Thangchhuahpuan
Pic credit – Lusei puan

CHHIMPUAN TLANG ṬIAL : Pi Lalrinthangi, Kum 98 D/o Pastor Phawka, W/o C. Rokhuma Padma Shree, ni 21.9.2011-a anmahni in Mission Vengthlang a kawm a nih ṭuma a sawi danin he puan hi a tung a var, a tlang bawhtah a, rawng hrang hrang a ṭial, a khelah ngotekherh a kherh a ni. Puan hriat lar vak a ni lo va. A hun lai chuan an ching ve hle a. Hriatna ti zau atan telh ve a ni e.

Chhim puan tlang tial, Chhim puan, chhimpuantlangtial, Lusei puan,
Chhimpuantlangtial
Pic credit – Lusei puan

PUANLAISEN (PUANCHEI) : Tunhma chuan he puan hi mipa puan a ni. Puan var, a laiah a senin hlai deuh a ṭial a ni a. A dum te pawh an telh bawk ṭhin a, a khelah a dumin an hruih bawk ṭhin. Hun a lo kal zel a, a ṭial naah rawng hrang hrangte an pawlh a. Ze thlan chi hrang hang disûl leh lenbuangṭhuamte an zep tel a. A hnu leh deuhah chuan a lai sen chu a hranga tahin disûl leh lenbuangṭhuam bakah muthlakawi te, fanghmamu te, kikiau te, semit te, mitmurual te, thembupui chungah an zep a, a hruihah sakeizangzia te telh a ni bawk. Puanlaisen tih ni mai tawh lovin puanchei tih te a lo ni ta a ni.

Puanchei hi Mizo puanah chuan a mawiin a ropui ber a ni a. Vawiin thlengin kan la hlutin kan la ching em em a, mahse sawi loh theih loh chu a zeh mawi tak tak disul leh lenbuangṭhuam te chu tunlai a khawla puantahtute chuan an zep peih tawh lo va.Phuahchawpin a awlsam zawk, a ang ve ṭhelh an zep a, chung chu lenbuangṭhuam an ti a. Thangtharten an hre si lova, a ni emaw an ti a. Disul leh lengbuangṭhuam mawi tak mai kha a bo ti tih tawh a, a pawi hle a ni. Lenbuangṭhuam dikah chuan hnahchawi 14 aia tlem lo a ngaih laiin, tunlaia an thlanah hi chuan 7 te a ni chauh a ni. Lenbuangṭhuam leh disul dik, tunlai puancheiah hian hmuh tur a awm ta meuh lo.

Puanlaisen / Puanchei
pic credit – Zo textile

Tunah chuan puan zethlan design hrang hrang lo sawi leh ta ila :

HRUIH: Hei hi a hran a thlan ni lovin tahhruih a rawlh a ni a. A tungah eng rawng pawh hman ni sela, hruih a nih chuan a hruihna rawng chauh langin a tung rawng a lang lo a ni. Ngotekherhah hruih hi a langsar hle a, a dum a hruih hmawrah a var zai 2/3 a an rawlh chu kherh an ti. Tin. puan laisen/ puancheiah te pawh hruih hi a tel tam hle. Sakeizangzia leh ze hrang hrang hruihin an sian ṭhin. Tunhma a tahhruih an hriat hma chuan bawhtah anga a la zai aṭanga themtlengte a thlan a ni a, pir an ti ṭhin. An la kaiha sin vak loh avangin a zai a pir kha tahhruih a thlan ang deuh a ni. Tahhruih a thlan hi chu vailen tirh vel aṭanga thiam a ni a, a awlsam zawk hle a ni.

Hruih thlalak, hruih photo, hruih image, mizo puan tahna hmanrua hruih, mizo textile hruih,
Hruih

KAWKPUIZIKZIAL : Hei hi thlan har tak hnahchawi 30 a thlan a ni. Kawkpui zikin zial ang deuhin a lang a. Them thiam tak lo chuan thlan dik chi pawh a ni lo. Hmaram-ah hei hi a var a zeh a ni deuh ber ṭhin. Tun hma chuan a thlan a har avangin a thlang thiamte chuan puan ngo hlawhten an thlang ṭhin.

DISUL : Hei pawh hi tunhma chuan a zai a pir a thlan a ni a, tahhruih an thiam hnuah tahhruiha thlan a ni. Duh len dan a zirin a hnah chawi a tamin a tlem a. Eng pawh ni se hnahchawi 12 ai chuan a tlem thei lo. Disul rau rau ah pawh hrui (kawng) khat nei te, hrui 2 te, hrui 3 te a awm, Hmaramah leh puanlaisen-ah hmanlai chuan zeh a ni ber ṭhin. Tun hnuah chuan puan hrang hrang chei nan zeh a ni.

Disul, Disul puanzia, Puan zia disul, mizo textile disul, mizo puan zeh disul, disul mizo puan zeh, mizo puan zeh ziarang,
Disul

LENBUANGṬHUAM : Hei hi disul nen inang tak a ni. Hnahchawi 12 aia tlem lo a ngai. Disul ang bawkin kawng/ hrui 1, 2 leh 3 a thlan a ni ṭhin. Hmaramah leh puanlaisenah thlan a ni ṭhin a, puan dang chei nan pawh hman a ni. A tir a zeh dan chu disul leh lenbuangṭhuam kan sawi ang bawk kha a ni a, a zai a pir a ni.

Sawi loh theih loh chu puanlaisen/puancheiah disul leh lenbuangṭhuam hi design langsar tak a nih laiin tunah chuan an zep peih tawh lo va. Phuah chawp lenbuangṭhuam, hnahchawi pawh a chawi lo vin, a kawm chawpin khawl a tahtu ten an zep ta mai mai a, Lenbuangthuam/disul an ti ta si a, a pawi hle a ni. Lenbuangṭhuam dik chu hnah chawi 12 tal a nih laiin a lem hi chu zeh 6/7 lek a ni.

Len buang thuam, Lenbuang thuam,
Lenbuangthuam

SAKEIZANGZIA : Hei hi tahhruih thlan aṭanga hruih a zeh/ thai a ni. Chi hrang hrangin a tih theih a. A V te, a chhawng te, a kikiau te a puanlaisen chei nan lenbuangṭhuam karah hruih a ni deuh ber ṭhin. Tun hnuah chuan eng puanah pawh duh ang angin an telh. A zeh/hruih hi a har a, a sawt lo bawk a, tunlai phei chuan puancheiah pawh an telh ṭha peih tawh lo. Them thiam deuh lo chuan an tah thiam lo.

Sakei zang zia, Sakei zangzia, sakeizangzia, Sa kei zang zia,
Sakeizangzia thlalak hrang hrang

SEMIT, SELUTUN, MUTHLAKHAWI, KIKIAU, FANGHMAMU, SEMIT LEH MITMURUAL, SAWMHAL te hi thembupui chunga thlan a ni a, Puanlaisen/ puancheiah a laiah thlan a ni ṭhin. Fanghmamu hi kawrchei/ vaikawrzehah telh a ni bawk. Thangchhuahpuanah pawh a var laiah zeh a ni ṭhin. Pi puten kawr tah chawp an hak lai khan, nulain an kawrhma chei nan an zep ṭhin.

semit, shemit, se mit, semit puan, se mit puan, semit puan design, mizo puan zia semit,
Semit
mu thla kawi puan, muthlakawi, muthla kawi zia, mizo puan muthlakawi, mizo puan mu thla kawi,
Muthlakawi
Fanghma mu, fanghmamu, fanghmamu design, fanghma mu design,
Fanghmamu
Semit, se mit, mizo textile semit, mizo puan semit, semit mizo puan design,
Semit
Mitmurual, mitmu rual, mit mu rual, mizo puan mitmurual, mizo puan design mitmu rual, mizo textile mitmurual
Mitmurual

Harzai: Hei hi thembupui chung a zeh a ni bawk a, kawrcheiah zeh a ni ṭhin. ‘Saidawi ûm’ te pawh an ti bawk. Kan sawi takte khi pi pu atanga kan puan neih te leh kan puan zethlan/design hrang hrangte an ni a, an hlu hle a. A bik takin a thlan hrang hrangte phei hi chu tihdanglam leh tihchingpen mai mai chi a ni lo. An hming pawh thlak mai mai chi a ni lo.

Harzai, Har zai, Mizo textile harzai, mizo puan design harzai

Tun hnu deuh 1950 hma lam si khan puan thlan hrang hrang tam tak a piang a. Tu hnam ta mah copy ni si lo, Mizo siam chhuah ngat si a ni a. Chungte chu Mizo zia tia kan chhal theih ngawih ngawih ve tho te an ni. Hmeichhe puanah rawng hrang hrang a tah hruih aṭanga thlan an ni. Chungte chu-

1).Phaiphuleng

Phai phu leng, Mizo puan phaiphuleng, mizo puan zia phaiphuleng
Phaiphuleng

2).Zawra Bang / Zhora Bang

Zhora bang, zawra bang, zora bang, mizo textile zhora bang, Mizo puan zawra bang
Zawra bang

 

3).Tlingi leh Ngama in chhawlṭhuaina

Tlingi leh Ngama puan, tlingi leh ngama puan ziarang, tlingi leh ngama puan thlalak, mizo textile tling leh ngama, tlingi leh ngama thawnthu,
Tling leh Ngama inchhawlthuaina

4).Sawm par / Thlan par

5).Pangpar

Mizo puan pangpar, Mizo puanzia pangpar, mizo puan design pangpar, mizo puan pangpar design
Pangpar

6).Phengphehlep

7).Arsi Par

arsi par, arsipar, mizo puan arsi par, mizo puan design arsipar, mizo puan zia arsi par,
Arsi par

8).Lace Par

9).Fawngte laivel

10).Senior (Kikiau, sinior bit)

11).Chhuatpui leh a dangte.

Kan pi pu te kha an lo them thiamin an lo duhtui hle a. Mi copy mai mai loin an mahniin puan leh design mawi tak tak an lo nei a. Khangte kha i hlutin i chhawm nung zel ang u.

Thlan par
Thingkung lem
Senior
Halkha
Halkha puan tho

Ngaihtuahzui atan

1).Kan Mizo puan leh zethlan te hi theihnghilh a nih loh nan leh a bo loh nan engtin nge hma kan lak ang?

2).Khawvel ṭhang zelah hian kan puan leh zethlante hi kan modify ve zel tura ni em?

 

Lehkhabu rawnte :

1).Hmanlai Mizo Kalphung – James Dokhuma

2).Mizo History – V.L. Siama

3).Fiara Tui leh Zofate Nunkawng – Lalzuia Kawlni

4).Hmanlai Mizo Nun – C. Lianthanga

5).Mizo chanchin 1900 hmalam – Dr. Lalthanliana

6).Mizo chanchin – B. Lalthangliana

7).Lushai Chrysalic – Maj. McCall

8).Mizo incheidan – Tribal Research Institute

9).Zofate lo khawsak chhoh dan – F. Rongenga

10).Report of Oldmen Seminar – 25th – 27th Sept. 1978

11).Minutes of Museum Expert Committee Meeting – dt. 23.3.2010

Mi rawn te

1).Pu Lalthangfala Sailo, Kum 78, Padmna Shree, Chaltlang

2).Pi Zopari, Kum 76, Chanmari

3).Pi Hmingthangi, Kum 73, Ramhlun North

4).Pi Lalrinthangi, Kum 98 W.o C. Rokhuma, Mission Vengthlang

5).Pi Thankhumi, Kum 82, Chhinga Veng

6).Pu C. Laitanga, Kum 73, Hunthar Veng.

Leave a Reply

Your email address will not be published. Required fields are marked *

error: Content is protected !!