Mizo College hrang hranga Assistant Professor hna ruak 148 hnawh khah tum a nih dan

Mizoram Sawrkar hnuaia College hrang hrangahte zirtirtu indaih lohna a nasa viauin a lang a, chutih rualin tunhnai chhoah College-a thawk tur chu sawrkarin lak tumin advertisement a chhuah leh ta a. A hnuaia kan tarlante hi mizoramimages.com palaiin a changtu Higher & Technical Education Department-a RTI hmanga a zawhna chhanna aṭanga siam a ni.

(Note: Khawngaihin he site-a post hi min copy paste sak lo turin kan ngen che u a ni, kan share duh chuan a link share mai ni se. Tin advertisement i hmuh chuan min lo click sak ve dawn nia, website fee kum khatah cheng 7000 vel kan sen ṭhin phuhruktu a ni si a)

Tun dinhmunah (October 2019) hian Mizoram sawrkar hnuaia College hrang hrangah post  ruak 148 (za sawmli leh pariat) a awm a, chung post ruak zinga 106 (za leh paruk) chu Contract-a thawk laiten an luah khah/ dah ngheh an nih huna an luah zui tur a ni a. Hei bakah hian post 17 chu hnawh khah tumin MPSC kal tlanga lak tum niin ni 25 October 2019 khan advertisement an tichhuak tawh a ni. Tin hei bakah hian post awmsa hnawh khah loh leh hnawh khah tumna awm rih lo post 25 a awm a, chungte chu kan bih chiang chho dawn a ni.


Mizoram Public Service Commission (MPSC) in ni 25 October, 2019 a a tihchhuah takah hian College-a thawk tur Assistant Professor post 17 bakah Mizoram Polytechnic, Lunglei a thawk tur post 3 a advertise a. Chung post ruak hrang hrang awmna hmunte chu

Assistant Professor

1.Hindi   – Post 2 – Govt. Aizawl College

2.History – Post 1 – Govt. Hnahthial College

3.Chemistry – Post 1 – Govt. Champhai College

4.Mathematics – Post 1 – Govt. Champhai College

5.Education – Post 1 – Govt. J. Thankima College

6.Mizo – Post 1 – Govt. Khawzawl College

7.History – Post 1 – Govt. Kolasib College

8.Economics – Post 1 – Govt. Kolasib College

9.Mizo – Post 1 – Govt. Kolasib College

10.English – Post 1 – Govt. Lawngtlai College

11.Physics – Post 1 – Govt. Lunglei College


12.Mathematics – Post 2 – Govt. Lunglei College

13.Mizo – Post 1 – Govt. Siaha College

14.History – Post 1 – Govt. Serchhip College

15.Economics – Post 1 – Govt. Serchhip College

Total no of post – 17

 

Lecturer for Mizoram Polytechnic, Lunglei

1.English – Post 1

2.Mathematics – Post 1

3.Civil Engineering – Post 1

Heng bakah hian post ruak, hnawh khat tura hmalakna awm rih lo Post 25 lai a awm a. Chungte chu a hnuaia kan tar lante hi an ni.

1.Mizo Department – Post 4 – Post ruahna hmun – Govt. T. Romana College (1), Govt. Serchhip College (1), Govt. Lunglei College (1), Govt. Siaha College (1) te an ni a. Post ruah chhante chu L. Biakthianghlima, Vanlalchhunga leh S. Ngiahu te an pension a, tin Govt. Lunglei College aṭangin Lalsangpuii chu Govt. Aizawl College-ah sawn a ni bawk.

(This is Mizoram Images dot com)

2.English Department – Post 1 – Post ruahna hmun – Govt. Kolasib College (1). Post ruah chhan Lalnunziri Daniel a pension vang.

3.Political Science Department – Post 3 –  Post ruahna hmun – Govt. Aizawl West College (1), Govt. Hnahthial College (1), Govt. Kamalanagar College (1). Post ruah chhan V. Lalrotluanga leh C. Tlanthanga an pension a, tin Paulazam a boral bawk.

4.History Department – Post 6 – Post ruahna hmun – Govt. Khawzawl College (1), Govt. T. Romana College (1), Govt. Siaha College (2), Govt. Lawngtlai College (1), Govt. Kamalanagar College (1).  Post ruah chhan – Lalthamuani Khiangte, Dr. Arun Juliet Mercy te an pension a, Laldampuia leh Vanlalringa te transfer an ni a. Carolyn Laldinsangi leh Lallawma Bawihtlung te an boral bawk.

5.Economic Department – Post 5 – Post ruahna hmun – Govt. Aizawl College, Govt. Khawzawl College, Govt. Hrangbana College, Govt. Siaha College, Govt. Khawzawl College (Post khat ṭheuh). Post ruah chhan . Thanglura, L Rashini Sevi, Rokailiana leh Dr A Sundharama te an pension a, R. Lalrintluanga chu Principal-ah dah a ni bawk.

6.Geography Department – Post 3 – Post ruahna hmun – Govt. Champhai College (1), Govt. Saitual College (1). Post ruah chhan – PL Chhuanthanga leh Lungmuana an pension vang.

7.Commerce Department – Post 1 – Post ruahna hmun – Govt. J. Buana College – Dr. Zonuntluanga a ban vang.

8.Mathematics Department – Post 1 – Post ruahna hmun – Govt. Siaha College – Post siam a nih hnuah hnawh khah a la ni lo.


9.Physics Department – Post 1 – Post ruahna hmun – Govt. Zirtiri Res. Science College (1). Post ruah chhan – Dr Zaithanzauva Pachuau a ban vang.

10.Botany Department – Post 1 – Post ruahna hmun – Lunglei Govt. College (1). Post ruah chhan – Lalhmangaihi Hrahsel pension vang.

Total no of posts – 25

Tun dinhmun (October 2019) a Mizoram sawrkar hnuaia College hrang hranga student teacher ratio lak khawm (average) chu 1:17.5 a ni a, zirtirtu pakhatin zirlai 17 ang vel zel a enkawl a nih chu. Chutih rualin Aizawl khaw chhunga College te ratio erawh a sang hle.  Teacher Student Ratio sanna ber Govt. Aizawl North College-ah Ratio 1:37 a nih laiin a hniamna ber Govt. Zawlnuam College-ah chuan 1:03 a ni thung.  UGC hian a lo berah Teacher pupil ratio hi Social Science stream-ah 1:30 leh Science ah 1:25 tal ni turin a duh a. Higher Education All India & State profile 2017 – 18 a a lan danin All India Teacher Pupil ratio hi 25 a ni. Mizoram erawh kan population tlem vang leh kan chenna a darhsarh avangin ram dang criteria zawng zawng kan zawm vek a fuh ber lo thei bawk.

Mizoram Colleges hrang hranga Student Pupil ratio as on 5th Sept 2019

Contract a thawk laite a dah ngheh theih danah hian the Mizoram Gazatte notification no No.A. l1019/5/2008 – P&AR(ARW)/51 ah chuan ‘20% of vacant posts under Direct Recruitment may be reserved for the aforesaid employees’ a ti a, heta aforesaid a tih hi contract-a thawk, a dan leh duna sawrkara a ngheta lut thei tawhte an ni. He dan chhiar chiang duh tan Govt of Mizoram Regularisation of Contract Employees Scheme 2008 click rawh.

Mizoram sawrkar hian College zirtirtu hna ruak hi a hnawh khat khat angreng hle mai a, zirtirtu nih tum mi tam takin an hun leh tha tam tak an khawh ral a, mi ṭhenkhat Part-time a thawk tura lak an ni a, Part-time a kum nga chuang hun an hman hnuah sawrkarin Contract-ah a dah ve leh a, Contract-a kum nga an thawh hnuah a nghet an claim ve leh ṭhin a, tichuan an ngheh tak tak hmain mi tam tak chuan kum sawm aia rei an vanglai an khawhral a, an service hun chhunga an thlen tur ang thleng phak loin leh chhungkaw lamah pawh an sum lakluh tur ang la lut phak loin an awm ṭhin a, an khawngaihthlak viau a ni. Entirnan, Mizo Department-a thawk tur a ngheta recruitment an tih hnuhnun ber chu kum 2006-a Govt. Serchhip College-a thawk tura an lak (an hming kan thup) niin RTI zawhna chhan a ni a, kum 13 liam ta chhungin sawrkarin Mizo Department-a thawk tur a ngheta hna lak a nei lo tihna a ni. Hemi chungchangah hian College-a thawk nghet leh nghet lo te, thawh tum mekte pawh sawrkar lakah an ngenngawl viau a, MCS, MPS leh service dang dang sawrkarin kum tin a lak reng laia College-a thawk turte Part-time a lak an ni bik ṭhin chu ṭha lo an ti a, Mizoram zirnain a tuar tih an sawi.

Leave a Reply

Your email address will not be published. Required fields are marked *

error: Content is protected !!