Mitdel kan awm thin hringfa zingah (Angelte lenna) – Redemption Singers

Song title – Angelte lenna
Satu – Redemption Singers

1.Mitdel kan awm ṭhin hringfa zinga
Thil siam mawina engmah reng hmu lovin
Kawng chhuk chhovah ṭanpuitu kan ngai e
Mahse lawmna thuruk Lal Isuan min pe

Lenrual lungduhte kimna khawpui mawiah
Aw hun lawmawm leh nuam a lo thleng thuai dawn
Lal Isua chawimawiin fak hla kan sa ang
Mitdel awm tawh lohna ram Angelte lennaah


2.Ke bai, piangsual te kan awm bawk ṭhin
Rualban zo lo, ṭanpui ngai kan tam si
Van nuamah chuan hlim takin kan leng ang
Lunghlu kawngkhar ropui an hawn hunah chuan

3.Tar chak lo te leh phurrit phurte
Khawvelah hian lungngaiin kan rum ṭhin
Lei hrehawm hi chhuahsan hlan ka nghakhlel
Min kohna aw mawi chuan lo kal rawh an ti

Leave a Reply

Your email address will not be published. Required fields are marked *

error: Content is protected !!