March ni 12, 2010 – Mizoten Cheraw World Record siam

Kum 2010 March ni 12-ah khan Mizoram sawrkar hnuaia Art & Culture Department hmalaknain Cheraw-a World Record siam tumin Aizawl-ah Sipai Lammual-ah leh kawngpui dungah cheraw kan a ni a. Hemi ṭum hian cheraw bu 671 lai kan niin mi 10,736 lai telin Cheraw kanah Mizo mipuite chuan World Record kan siam a nih kha. Documentary film chu Art & Culture Department, Government of Mizoram chuan a buatsaih a. hetah hian World Record siam a nih chhoh dan leh Cheraw lo chhuah chhoh dan te tarlan a ni a.

World Record kan siam a ni tih puan a nih hnu a kan lawmzia te, a tawpa hla sak ‘Kan fak zel dawn’ tih hla kan sa a, “Haleluiah Haleluiah, Lalpan thil ropui min tihsak e” tia hnuk ulh ṭeuh chung Mizo mipuite kan lam lai te kha. I lang ve em? A hnuaia video te hi Cheraw World Record Mizoten an siam ṭuma video a ni a, i tel ve em, lo inen ve ta che? A hmasa bera video kan dah hi Art & Culture buatsaih a ni. I ṭhian tel ve te kha han ko chhuak (Mention) teh

Leave a Reply

Your email address will not be published. Required fields are marked *

error: Content is protected !!