Lungpher Pasaltha Thangchhunga – Zamvela Ralte – ISBN 9788194045502

Book Title – Lungpher Pasalṭha Thangchhunga
Author – Zamvela Ralte
Publisher-Mizoram Images Publication (with financial support from Mizoram Publication Board)
Genre : Novel
ISBN 978-81-940455-0-2
Year-2019
Place : Aizawl, India

Summary of the Book – ‘Lungpher Pasalṭha Thangchhunga‘ hi Zamvela Ralte ziah niin amah hi North Lungpher khuaa cheng a ni a. Lungpher Pasalṭha Thangchhunga hi thawnthu ngaihnawm tak, hmanlai pasalṭha thawnthu, sa kah leh ramvah, pasalṭha nun hahthlak leh ngaihnawm em em si chanchin a ni a. He thawnthua Thangchhunga hi Hnamchawm chhungkua aṭanga lo chawr chhuak niin chu a nihna, hnamchawm chuan mi ṭha ho hmuhsitna a cho chhuak a. Sa a kah leh khawtlang tana thil ṭha a tih pawhin a elpui Thanhlira te ṭhianho chuan a nihna hnuaihnung tak chu hmusit leh diriam chungin an itsik tlat a. Hnamchawm tlangvalin hmingṭhatna a han khum ve tur chu an ngai thei lo a. Chutiang karah chuan Thangchhunga leh a hmangaih Ngurvungi te chuan khuanu samsuih nih tumin hmangaihna thu an thlung ve bawk a. Indona, khua leh khua indona leh inphiarrukna te chuan he thawnthu hi a tuam chhuak a ni.

About the Author (Zamvela Ralte Chanchin) – Zamvela Ralte hi a hming tluan chu Hmangaihna-Zamvela Ralte tih a ni a. Kum 1967 May ni 15-ah North Lungpher khuaah a piang a. Rambuai vanga Mizoram khuate sawi khawm a nih khan Grouping hian Thingsul-ah an chhuk a, kum 1975-ah an khua Lungpher-ah an let leh a, tun thlengin Lungpher-ah hian an chhungin an cheng a ni. Kum  1991, December ni 11-ah C. Laldinthari nen an innei a, fa pali an nei a, mahse vanduaithlak takin a upa ber leh a hmeichhe awmchhun ni bawk Lorretta Lalremsangi chuan a boralsan a. Hei hian Zamvela rilru a tawk na hle a, hla tam tak a phuah phah a. Lungpher Pasalṭha Thangchhunga thawnthu pawh hi a lungleng vakvelin a hrin chhuah a ni. He thawnthu ziak tur hian kum hnih chuang lai ramhnuaiah pasalṭhate nunchan zirin hun a hmang a. Hemi avangte pawh hi a ni ang, he thawnthu hi a tak a, a thawnthu boruakah min hruai lut zung zung thei a ni.

Zamvela, Zamvela Ralte, Lungpher Pasaltha Thangchhunga, Zamvela Ralte novel Lungpher Pasaltha Thangchhunga,
Zamvela Ralte

About the Publisher : Mizoram Images Publication hi  kum 2018-ah Mizoram sawrkar hnuaiah register a ni a. Internet lama Mizo chanchin leh Mizo literature te hmuh tur  a awm ve theih nan leh google map Mizoram-a ṭangkai taka hman a nih ve theih nan theihtawp chhuahin tlawmngaiiin hna an thawk ṭhin a ni. Tunah hian website www.mizoramimages.com chu an enkawl mek a. Mizo Culture leh Mizo literature te, Mizo thil hrim hrim vawn ṭhat leh chhinchhiah kawngahte, a tihchangtlun kawngah te nasa takin hma lak chhoh an tum a. Lungpher Pasalṭha Thangchhunga lehkhabu lamah chuan an kut hnu hmasa ber a lo ni ta a ni.

Mizoram Images Publication
Address : R. Thankhuma Sailo Building, Dinthar II, Aizawl. House No – D/V-20. Near Dinthar High School
Email – [email protected]
Phone no – 9774954334 / 7005036298
website – www.mizoramimages.com


Leave a Reply

Your email address will not be published. Required fields are marked *

error: Content is protected !!