Lunglen tuar zir – Zirsangzela Hnamte (1952 – 2002)

AN DAWN SUAL NGEI KEI ZAWNG KA CHUN LEH ZUATEN
Phuahtu – Zirsangzela Hnamte
Phuah kum –  15th April 1974 (Shillong)

1.An dawn sual ngei kei zawng ka chun leh zuaten,
Thlang Sappui nun zir a run sang mawi ve a’n,
Hmangaih Zoram pelin zalna run min dan.

Chhingkhual di lenmawi,
Nang ka lo tawng che a pawi ber mai.
Lem ang min der mai a lo ni e.
Engtin lo ngai ve maw
Ka chunnu leh zuate khan?
Lunglen tuar zir maia hei chen min tirh hi.


2.Tangka ro sum kha zawng ka tan in hlan kha
Khuafur hawk tui iang hian a lo luang ral ta!
Aw ka hai bik si lo in hmangaihna hlu.

3.Lunglai chhir hian ban mai a pel dawn lo ve!
Thaikawi zirna run sang belh zai rel lo te’n.
Nilen ka lo thlang thin D-i ṭang belin.

4.Van a duai chuang em ni ariang ka tan hian?
Ti maia min ṭhen hi ka lo ring ngai lo!
Aw, a na chuang em mai lungmawl ka tuaran.

Leave a Reply

Your email address will not be published. Required fields are marked *

error: Content is protected !!