Lalpa chauh – Lalsangzuali Sailo

LALPA CHAUH
Phuahtu – Lalsangzuali Sailo (1949 – 2006)

Nitinin lungngaihna leh buainaten min tuam lai hian
Chhantu ka vai, aw… ka hmu zo lo;
Thlamuanna leh lawmna famkim zawnga ka vah laiin,
Chhandamtu tak Lalpa ka nei ta!
Chhandam thei Lal Isua.

Min hmangaihtu dang ka hmu lo,
Innghahna tur reng ka nei lo ve;
Ka Lalpa chauh a ni ka hlimna leh muanna,
Min kalsan ngai lo, a hnai reng fo;
Lalpa chauh, Lalpa chauh.

Manganna tinreng ka tawh changin thlaphang leh hlauvin,
Țanpuitu dang reng an awm lo ve;
Ṭhen leh rual, unau zaleng hei zawng van hnuai lei chinah,
Innghahna tur nang lo chu Lalpa,
An awm lo, an awm lo!

Khawvel par mawi thlira khawhara ka vah lai pawhin,
Hahchawlhna min thlen reng an awm lo;
Chatuana nunna hlim tawp lohna, lawmna sawi sen loh,
Ka Lalpa hnenah chauh a awm e;
A pe thei, a pe thei.

Lalpa chakna chauh ringin sual ral ka do ve nang e,
“Ka thlahthlam lo’ng che,” a tih vangin;
Pathian Chaka, pangngai reng fo, chatuan chatuan thlengin
Min awmpui dawn si ka Lalpa chuan;
Ka hneh ang, kan hneh ang.

Leave a Reply

Your email address will not be published. Required fields are marked *

error: Content is protected !!