Kolasib College hla – K. Zalawma

GOVT. KOLASIB COLLEGE HLA

K. Zalawma

1986 August thla khân Kolasib College (kha tih lai khân Govt. College a la ni lo va) Student-hovin an College Annual Megazine 1986-87-a chhuah turah Article ziak tur leh College hla phuah tûrin min ngên a. Article pahnih “Mizo ṭawng hi” tih leh “Chutin leh Fo” tih ka ziak bâkah Kolasib College Hla pakhat chu ni 16.8.1986 khan ka phuahsak ve ta a.
ANNUAL MEGAZINE 1986-87-ah chuan an chhuah tel ve ta a ni.
He Megazine a kâwmah No 2 tih a in chhu a, an vawi hnih chhuahna ni tak maw?

Tunah hian Govt. Kolasib College a lo ni ta a, Nikuma Week an hman kha an ka close lo va, closing function an neih hma hian a tir lam hunte hriat rengna ni pah fâwmin ka hla phuah chu ka han post thla rawk a, ngaihsân a hlawh beisei vâng ni lovin, hriatrengna atâna ti mai ka ni zâwk.

Ka articles pawh khi chhiar ve duh kan awm chuan ka la rawn post leh thei tho bawk e.

Hma kan sâwn dân hriat nan hun hmasa lam hi en lêt nachâng hri at fo a pawimawh ṭhin. [adToAppearHere]

KOLASIB COLLEGE HLA
Phuahtu : K. Zalawma

1.Hmânah ami zalêngin ti hian an sêl,
“Hmâr thimpui, zângkhaw bungbut hnan;
Nazareth khaw iang,” min lo ti,
‘Sib khawpui thinlai engtin dêng ang maw?

Thunawn:

Tunah erawh chung Khuanu zaran maw,
Thimna zawng sîrah hnawlin;
Rual tin khûm – zalêng rual kan ṭuanna,
Kolasib College lo sâng zêl rawh.

[adToAppearHere]
2. Lo kai ve ‘u – thiam zir naufa zawngte,
Chhêmdamthli leh boruak thiang chàwm;
Thiam tin zirna rûn a lo ni,
Pi-pu lungmâwl sèllâi vangkhua kha.

3. Zirna rûn dang chhînga sakhming lawi ang thang,
Kolasib College kan kaina;
A hmunhma Khuanu dawh rem sa,
Zârva iang lungrûala kan lênna.

4. Chung Pathian leh kan ram min hruaitu zawngte’n,
Ram leh hnam hmachhuan ni zêl a’n;
Min nghilh lo ula ‘Sib College,
Hmâr thimpui VÀRPARH a chang zêl ang.
[adToAppearHere]

Leave a Reply

Your email address will not be published. Required fields are marked *

error: Content is protected !!