Khawserh Tlang – Kawnpui khaw hlui (Zotlang)

Location: 24.071159,92.677484
Kawnpui khaw dai, Kolasib District

Kawnpui lal tia hriat zui tak Lal Saitulera hoin mipuite chu kum 1912 ah Pang mual aṭangin Chuanhnuai a kai a, in 28 vel an tling a. Chuanhnuai khua aṭangin kum 1917-ah KHAWSERH tlangah an kai chhova, an kai chhohna tlang lamlian chhuahah Lama fapa lungphun a awm a, chu chu anni ho zingah chuan kristian lungphun hmasa ber a ni an ti. He an kaichhohna kawng hi ṭhelret awmna chhim lampang mualdungah kawng a chhuakchho a ni an ti. Kum 1917 hi France ram kal kum a mi a, Biak in pawh an nei tawh a, an biak in chu hlam li bialin an sa a. He biak in hi Lal Saitulera hova an biak in neih hmasak her a ni.

Khawserhsuang kham

Khawserh-ah hian biak in te an nei ta bawk a; Chuanhnuaia an awm lai ai chuan nasa takin kohhran pawhin hma a sawn a, sande sikul te neiin, upa senior Upa Taia chuan kohhran lamah chuan tha a thawh hnemin hotu chan changin 191 7-ah hian chanchintha Johana ziak zirin Pu Taia chuan a zirtir thin a ni. Tirhkoh Selkhuma pawhin a tlawh a, eng emaw chen a chamchilh awm e. Khawserh an kai chhoh kum hian Bawrhsapin France ram kal tur tlangval tir turin lal hnenah thupek a chhuah a, mi pathum Siamkunga, Vawmkunga leh Siama te an kal.

Khawserh an awm lai hian Phunchawng mual an nei a, sakei a tam a, Dara ke lehlam piangsual deuh chu lo-ah a feh a, a lo haw har deuh avangin zanriah eikhamah an lam a, sakeiin a lo seh a. Tichuan zanah an zawn hawng a, hmanlai chuan sarthi te hi in thleng lovin an inphum mai thin a ni awm e. A lungphun pawh a awm thin a, chuvangin Dara Iungphun tlang tih a ni bawk ṭhin an ti.


Kum 1919-ah khan Khawserh tlang hnuai Phunchawngmual ram chu khawtlangin lo-ah an nei a, Kawnpuiah kum bul 1920 velah an insawn thla ta a ni.

KHAWSERH TLANG hi Kawnpui khaw hlui a nih bakah Kristian awm ṭanna hmasa a nih avang te, hla phuah thiam R.L. Kamlala nena inzawmna a neih avangtein zah leh hriatreng a phu a ni.

Fact Source:
1. Centenary Souvenir, Presbyterian Kohhran Kawnpui Hmarveng. 2015. Print.
2. Rokhuma, R.L. Khawserh Kawnpui Diary. Efatha Press, Chaltlang, Aizawl. 2015. Print.


 

Leave a Reply

Your email address will not be published. Required fields are marked *

error: Content is protected !!