Ka duh ber Lalpa – Lalsangzuali Sailo

KA DUH BER LALPA
Phuahtu – Lalsangzuali Sailo (1949 – 2006)
Phuah hun – July 22, 2006, AIIMS, Delhi

Hei leh chen kum tam min hruaitu,
Ka Lalpa ka tan i va ṭha em!
Malsawm tin reng ka chhiar seng lo,
Hlim leh lawmna, chatuan nun nen.

I tel lo chuanin mit khap kar pawh,
Ka nung zo lo ka chau leh ṭhin;
Nang chauh i ni ka duh ber leh
Chatuan thlenga ka belh tur chu.

Ka chhingmit khua fiah lo mah se,
Thlarau mitin a fiah ka Chhandamtu;
Ka vui lo ve, eng pawh thleng se,
Chatuan van khawvar min hruai thleng ang.

Ka hahchawlhna leh thlamuanna,
Innghahna leh beisei dang ka nei lo;
Ka pumin nei rawh, ka inhlan e,
I angchhung muanna ka rawn pan e.

Natna leh hrehawmna khawvel,
Buai leh lungngaihna ramah hian,
Ka ngai zual ka Chhandamtu Lalpa,
I kianga len hlan ka nghakhlel e.

Leave a Reply

Your email address will not be published. Required fields are marked *

error: Content is protected !!