Ka chenna ram thlaler a ni – sawi zauna – Lalruali chanchin

Buatsaihtu – Lalrammuana Sailo

Ka chenna ram thlaler a ni Lalpa (1958) – Lalruali (1924 – 2001)

  • 1924 Feb, 13-ah Sihfa (Aizawl District) khuaah a piang a. 2001 Sep, 3-ah a thi a, Durtlang Leitan thlanmualah phum a ni.
  • Sihfa lal Thangkama fapa nen an pian rual avangin lalnu-in “Sihfa Lalruali” a ti a.
  • Pawl thum a zir lai 1936 January thla chawhnu lamah ruhnget (Osteomyelitis) natnain a tibuai tan a.
  • 1958-ah Sihfa khuaa Synod damdawiin tepen (Dispensary)-ah lung lam that loh vangin thla ruk chhung a awm a, a tawng loh nan leh miin an biak loh nan an thukru a ni ber. Hemi \um hian ka chenna ram thlaler a ni tih hi a phuah a ni.
  • 1958 Nov, 23-ah ‘Ka chenna ram thlaler a ni’ tih hi a phuah a. Rokungan a thluk a siam.
  • A nat zual chang chuan zakdawm tiang a hmang thin a, a hnuah phei chuan wheelchair a hmang ta a.
  • 1962 May thla atangin Synod Hospital-ah Hospital Evangelist hna a thawk a.
  • Mizo zinga mi mal hming chawia zai lar hmasa te chu Folksong huangah Pi Hmuaki, Darmani, Darpawngi leh Saikuti te an ni a. Written Period-ah Romani, Nuchhungi, Lalruali, Lalsangzuali Sailo ldt an ni.
  • A natna avanga lungngai leh beidawng taka a awm laiin amah enkawltu pakhat Lalthanglianan Lalruali natna ang vei ve nula pakhat chanchin a hrilh chuan a rilru a hneh hle a, beiseina thar a neih phah a, a nun nguai pawh a lo pangngai chho leh ta a.
  • Thu a ziak tan a, Pastor Liangkhaian Lalruali thuziah te chu Kristian Tlangau-ah a chhuah sak a, a thuziak chhuak hmasa ber chu ‘Thlarau chu fiah suh u’ (1954 May) a ni.
  • Kristian Hlabu-a hla thawhtu zingah Mizo hmeichhe awm chhun a ni. Tunah hian Ka chenna ram thlaler a ni, Hneh theih loh nun ka nei, Hun kha leh chen min kaihruaitu tihte a awm.
  • Hla 57 a phuah a, a hlate chu Lenglawng leh Pathian hla ah a then theih a, lenglawng huangah chuan nunhlui ngaihna leh mi thi tawh sunna lam a lang a, a tlangpuiin sunna hlaah te hian a tawpah Pathian chu inhnem nan a hmang thin. inneih lawmpuina fiamthu hla pakhat a awm bawk. Pathian hla a phuah te chu vanram ngaihna lam a ni a, khawvel chu lungngaihna leh natna hmun angin a hmu fo.
  • Kum 34-a upa a nih chuan a natna pangngai bakah lung natna a nei a, thawm ri hlekah a buai a. A awmna kawngka chungah chuan ‘Biak loh tur” tih an tar a, thil pawimawh chu ziakin an inhrilh thin. Hengte vang hian Ka chenna ram thlaler a ni a ti pawh hi a inrem hle a ni.
  • 1958 Nov 29-ah ka “Ka chenna ram thlaler a ni” tih hla hi a phuah a, a thluk hi Rokunga siam a ni.
  • A chhungte leh mi dang dangin ngaihsak viau thin mahse damchhunga dam lo chu in awmchilh reng theih a ni lova, nun khawhar chang a ngah a. A taksa lam chaklo mahse a rilru a harh fim a, vei a ngah em em a, chutiang dinhmunah chuan ‘phunchiar’ nih hlawh a awl ngawt ang.
  • A hla tam tak chu beisei dang nei chuang lova a puma Isua hnena tlukluhna a ni.
  • A hlate chu ama siam a ni a, khawtlanga thil thlengin nghawng a nei lem lo(?)
  • 1988-1991 inkarin a chhungte/thian hnai mi pariat velin an boralsan.
  • A dam chhungin lungngaihna leh mangannain a bawhbuai ve reng a, ramngaw chhahpuiin ni zung a dawn ve chhun pawh lei thleng phak a tlem ang hian Lalruali pawh hian a nuna hlimna a thlen ve pawhin a daih rei lo viau thin niin a sawi. Hei vang hian a tan chuan Pathian chauh lo chu innghahna tlak tak tak a awm lo. A hla chang thumna en la?
  • Lalruali a dam chhung hun tam zawng ruhnget natnain a tihbuai leh damdawi in nena inngheng renga khawsa a nih thin avangin a chan chu hrehawm tihchang a nei a. Tin, a theih ang tawka Pathian tana a inpek vena karah pawh sawiseltu leh hmusittu a nei ve zel tho a, rilru hrehawm taka awm chang pawh a nei. Chutiang hunah chuan a inhnemna chu Isuan misualte tana Kraws-a a tuarna leh inpekna chanchin kha a ni a. Hrehawm tuar leh phurrit phur, natnain a tihbuai vel nia a inhriat chang pawhin Isua pawhin nasa takin mihringte tan a tuarzia a hria a, chumi hmang chuan a inhnem thin a ni. A hla chang hnihna en la.
  • Lalruali chanchin leh kutchhuakte zirchiang duh tan ‘Thlaler Nula Lalruali’ tih lehkhabu Laltluangliana Khiangte buatsaih chu chhiar ngei chi a ni a. Tin, Laltluangliana Khiangte hian Lalruali pualin hla nalh tak ‘Thlaler lanu’ tih a phuah bawk a, han ngaithla ve chhin teh.

Leave a Reply

Your email address will not be published. Required fields are marked *

error: Content is protected !!