India kan chhuahsan chhan tur a va tam em

INDIA KAN CHHUAHSAN CHHAN TUR A VA TAM EM
(India lak atanga independent a ṭul chhan)

-Mizoram Images Production Dt. 23-01-2019

Tunah hian India sawrkar chuan Citizenppp Bill 2016 chu Mizote  barh luih a tum mek a; he thil ṭha lo tak hian India mi tam zawkin Mizote min hmangaih lohzia leh Mizote hi boral vek mah ila pawi an tih lohzia kan history-a a taka an lo lantir tawh chu min ngaihtuah chhuahtir a ni. Mizoram buai lai 1966 – 1986 hunlaia India sipaite chet dan han chhiar chang hi chuan India chhuahsan hi a nghahhlelhawm ṭhin a; kha hun rapthlak tak kha Mizote tan chuan India mite nena kan inan lohzia leh kan inhmangaih tawn lohzia lantirtu a ni.
Chutih hunlai chuan vai sipai tam zawk tan chuan Mizo nih hrim hrim hi vuak hlum chhan tlak, sawisak chhan tlak, thiam loh chang sa leh hmuhsitawm a ni a. An lakah chuan tual bawng ai pawhin kan hlu lo zawk a. Mizo sipai hliam tuar, buk (camp)-a mu hlawm reng an zuk nangchin chang pawhin zawn haw-a jail tantir ai chuan kah hlum an duh zawk a, Mizo nunna chhan nan rit an chawi peih lo.
Rambuai lai chanchin ziahna pakhat Pi Rebeki ziak ‘Ram leh Hnam Tana Tuarna’ tih buah chuan
India sipai te chuan Zemabawk vengah chuan mipui vantlang chu tual zawlah an khalh khawm a. Chutih laia nu pakhat mangang tak rawn au leh a nau sipaiten pawngsual tuma chhek in-a an luhpui chungchang hun hrehawm tak a la hriatreng chu
 
“…pawna kan chhuak chu kan in piah lawk mual zawlah chuan min khalh phei a, mipui engemaw zat an lo khalhkhawm tawh a (chu mualzawl chu tuna Zemabawk Bazar hmun hi a ni). Hetih lai hian Tlangveng lamah chuan sipaiin in an la check a, chutia mipui kan awm khawm hmur lai chuan nu pakhat hi Tlangveng lam aṭang chuan hmanhmawh takin a rawn tlan chhuk a, a au chul bawk a. “Min ṭanpui r’u, min ṭanpui r’u, chhek inah sipaiin ka nau an khalh lut,” tiin a rawn au thla lauh lauh mai a. A hlauvin a mangang tak zet a ni tih chu a hmelah pawh a hriat theih a, kan khawngaih em em a.
 
 
…mipui zingah chuan nupa innei hlim hi an ding dun rial a, Sikh Regiment zinga pakhat chuan a nupui banah a vuan lawk a, a pawt ta ngar ngar mai a. Ani chuan a pasal banah a kut lehlamin a vuan tlat a, Sikh-pa lahin a pawt ngar ngar mai a, a pasal lahin engtin mah a ti ngam lo a, mipui pawhin engtin mah kan ti ngam bik si lo a, kan en reng rinagwt mai a. Mipain an tuar ve loh, pawngsual avang ringawt pawh hian vai hnam hi a huatin kan hua a ni. Heng avang ringawt pawh hian alawm hmeichhia engemaw zat rammua ‘independent’ suala an au chhuah tak ni.” (Rebeki 8)

Leave a Reply

Your email address will not be published. Required fields are marked *

error: Content is protected !!