Hremhmun/Meidil i pumpelh dawn em?

HREMHMUN/MEIDIL I PUMPELH DAWN EM?

“Tin, ka ṭhiante u, ka hrilh a che u, taksa tihlum a, chu mi hnua engmah dang ti ldh thei tawh lote chu hlau suh ang che u. Amaherawhchu tunge in hlauh tur ka hrilh lawk ang che u : A tihhlum hnu pawha Gehena-a paih theihna thu neia chu hlau rawh u; a ni, ka hrilh a che u, amah mawlh chu hlau rawh u.” Matthaia 12 : 4, 5.

Hmelmate leh misualten he taksa hi an tihlum thei a, mahni hmelm thattute pawh sawi sên an ni lo vang, Isua meuh pawh a taksa an tihhlum kha! Amaherawh chu chutianga tihhlum hnuah engmah dang tih leh theih reng an nei pha lo. Mihring thlarau chunga thuneihna reng an nei pha lo va, an khawih pha tawh hek lo, chuvangin ringture tan chuan Krista zara thih thlamuanna an neih tawh avangin hlauh ber tur an ni lo (Heb. 2 : 14, 15). Hlauh ber zawk tur erawh chu tihhlum nu pawha Gehenna-a chatuan hremna hmuna paih theihna thuneitu Lalpa ngei chu kan hlauh zawk tur a ni.

Gehenna : Gehenna tih hi Sapṭawng (English) a ni a, Grik ṭawngin Geenna an ti a ni. Hmanlaia mihring inthawina an hmanna hmun “Hinnom Valley” (Hinnom phairuam) an tih ṭhin chu a ni (2 Chron. 33 : 6; Jer. 7 : 31). Hetah hian an bawlhhlawh pai khawmte chu snglai pawhin a kang chanchi a, chu chu mi sualte hremna tawp chin nei lo, Judate hnena entir nana hman a ni. Hengahte hian en la – Matt. 5 : 22, 29, 30; 10 : 38; 19 : 9; 23 : 15, 33; Mk. 9 : 42, 45, 47; Lk. 12 : 5 Jak. 3 : 6. Chang tarlan hnuhnung ber tih chauh lo hi chu misualte zilhna atana Isu Krista sawi vek a ni. Marka 9 : 43 – 50-ah phei chuan, “Gehenna an lung thih ngai lohna (their worm dieth not) leh mei mih ngai lohna” tia ziak a ni (Thup. 20 : 11 – 15; 20 : 10. “Meidil” tih tluka entir nana hman a ni. Meidilah chuan thiam loh chang zawng zawngte chatuana hremin an awm ang. Chumi hmuna “paih theihna thh neitu chu Lal Isua a ni. Lal Isua sawi hi kan awih loh a, a thusawi hi kan zawm lo a nih ngat chuan kan la cho sual ngei ang. Thih hnuah chuan a sim theih, mahse a sawt tawh si lo ang.

Chu chu a dik ngei a ni tih hremhmuna kal hmeichhe thusawi, facebook-a Eichtea rawn post, a sapṭawng (English) Pu Tea Virgo, WhatsApp lama News Update group- Admin., Mizoṭawnga thiam leh ngaihnawm taka a rawn lehlin hi i han tarlang teh ang.

MEIDIL A KA TAWN HRIAT TE.

Nula kum 24 chauha upa chu, ṭhian ṭha tak anga a en leh thian innghahna tlaka a ngaih chuan a pawngsual ta thut mai a, mak a tiin a sawichhuak ngam si lo va, hun engemaw chen chu a zep ru ta a.

Chutianga rilrua inthiamlohna nei ru reng chunga hun engemaw chen a hman leh hnu chuan.. a rilru leh a taksa lamah chauh rukna a lo nei chhoh tan ta a, Doctor hnenah a inentir a. Ti chuan a result aṭanga a rai thu a han hriat meuh chuan a mangang ta hle a, loh theihlohvin amah pawngsualtu chu hrilh a ngai ta a ni.

Tichuan amah pawngsual tu hnena nau a pai thu a va hrilh chuan, a mualpho hmaa nau pai chu titla turin a lo ti ta mai si a. A tan duhthlan tur dang a awm tak si loh avang in, zak ru tak chung leh Pathian hnena khawngaihna dil chung chuan nau chu titla tur chuan Damdawiin lam pan chuan a kal ta a.

Ama thusawi ngei i han ngaithla teh ang :

“Chutia nau titla tura min buatsaih lai chuan thil danglam tak hian min rawn man bet ta tlat mai a. Khuarkhurum thim tak mai chhungah hian min hnuk lut a, chu hmun chu a bul leh a tawp pawh hmuh fiah theih a ni lo.

” Min hnuk lut zel a, chumi hmunah chuan hun rei tak, kum za chhungzet a rei mangang taka lo awm tawh nu pakhat hi ka zu hmu ta nawlh mai a. Ka han enchiang deuh a, meipui kang so buan buan chuan amah chu a lo hliau hlup hlup a, na hi a lo ti em em mai a; a chang leh meipui chu a ral a, a chang leh a inzawm leh thin a, chutianga hmun rapthlak tak mai, Hremhmunah chuan keimah ngei pawh chu ka lo awm reng tawh a ni tih ka hrethiam ta a ni.

“Tichuan chu meipui chuan min lo kangkai ṭan ve ta a, a sain a na em em mai a; awm ngaihna reng ka hre lo va. Ka ban chu awmze nei lovin ka vai a, ka sam te chu ka pawt leh chiam thin a, awmzia a nei chuang lo. Awm ngaihna hre lo va ka awmlai chuan, ka na tawrh rawn ti belh chhahtu tur hian… thildang ri rapthlak tak leh tawrh hrehawm em em mai hi a lo ri chhuak belh leh ta zel a, chu chu …. Mihring na tuar mangang tak taka au ri leh thlaphang em em chunga rumri a ni. Chutiang thil rapthlak ka bengin a han hriat belh leh meuh phei chuan…. Ka tuar zo dawn lovin ka inhre ta a. Theihtawp chhuahin ka au vak vak thin a, chutia aw chhuaha ka au zawng te chuan ka chauh belh zel bawk si, engtiang pawh in awm mah ila ka hrehawm tawrhna chu a zual ting mai bawk si nen.

“Chumai a la ni lo, meipui sa ka tawrhna avanga ka natnate, thil kang rimchhia te, lungngaih avanga rumri te leh mangan au ri zawng zawng te aia ka thil tawrh hrehawm leh zual zawk chu hei hi a ni… He hmun aṭang hian BEISEI TUR THIL DANG pakhat mah a awm miah lo hi a ni.

“Chutiang dinhmun rapthlak tak aṭanga chhuah ngaihna a awm miah lo a ni tih ka han hriat chuan, Pathian khawngaihna dil in ka ṭap chhuak vak a, chutia ka ṭah lai chuan ka hmaah hian Lal Isua hi a lo lang ta a.

“Second khat chiah meidil aṭanga min chhanchhuak tur leh midangten Lal Isua hi Pathian a nihzia an hriat theih nana sawi ka duh thu ka hrilh ta a ni.

“Ani chuan ……
‘Minute khatah Second engzat nge awm?
Darkar khatah minute engzat nge awm.?
Nikhatah darkar engzat nge awm?
Chawlhkar khatah ni engzat nge awm?
Thlakhatah chawlhkar engzat nge awm?
Kum khatah thla engzat nge awm? A nih leh he khawvelah hian kum engzat nge i chen???????

“Chung hun chhung rei zawng.. zawng zawng chu Second engzata rei nge ni ang? hun tamtak a ni lawm ni???

“Khang hun hman chhung zawng zawng khan min tibeidawng a ni lawm ni?’ tiin min zawt let ta a… Ka mangang chu ka ṭap nasa zual sauh a, ‘Lalpa, ka kut leh ka ke tel miah lovin, ka thawkna ka hnar chin chiah tal hi min lettir hram rawh’ tia ka ngen leh chiam hnu chuan….

“‘He hmun atang hian nangmah anga let min dil hi mi sangtam tak an lo awm tawh a, engtin nge i thusawi chu an awih theih ang?’ tiin min chhang a. Nimahsela ka dil lui tlat hnu chuan Ani chuan ka mite hnenah khuan ti hian zuk sawi rawh… ‘Tuna an nundan khu lemchang nun ang lek chauh a nih thu leh, an Pathian hi fiamthu thawhna ang lek chauhvin min ring tur a ni lo’ tia min hrilh rual chuan, Hospital chhunga ka mutna khum aṭang chuan ka lo harh chhuak leh ta a ni.

“Chutia kaharh chhuah rual chuan ka nihna dinhmun ka inen fiah a, chutiang dinhmun aṭanga Pathian thu sawi tur chuan.. ka nun nen khan a inhmeh lo intih nain ka khat leh ta a, nimahsela min tirtu Pathian lam aṭanga ka ngaihtuah chuan, Second khat lek pawh ka tan a pawimawh zia leh a uihawmzia min hriattir tawh si avang khan, tun hun tluka hun remchang hi ka tan a awmlo a ni tih hi ka hre chhuak leh ta a ni.”

He nula thil tawn aṭang hian, kan tun hun pawimawh zia te, kan nun uluk a ngaih zia te, lum chuan lum law law, vawh chuan vawh law law, tuilai rapa awm a hun lohzia te, Pathian nena kan inkar hi infiamna ang lek chauha kâwra hman chi a nih lohzia te, Second khat hi kan nun atana a pawimawh zia te hi i hre thar leh theuh ang u. Hremhmun hi chhungkua leh ṭhenrual ṭhate tan chauh pawh ni lovin hmelmate kal na atan pawha duhsak awm lo khawpa hrehawm tawrhna hmun rapthlak anih avangin kan nun hi nitina inenfiah a ngai tak zet ani.

He kan dam lai ngei hian sima Lal Isua hnen kan pana, kan sual leh bawhchhiatna avang khan kan thihna turah nun kan neih leh nan mualpho taka tuarin a thi a; kan thih aia thi a, tholeha tana kan nun kan peka, Lal leh Chhandamtua kan pawm loh chuan kan chan tur chu rorelna hlauhawm tak dotute kangtu chu kan chan a ni dawn a ni. Chuvangin i thil tihte kha simin chatuana nunna neitu Isua chu pan la a lo siam thar ang che, tichuan nuam zawng zawng chang turin a hnenah, chatuan in nuam ropui takah a hruai ang che.

Leave a Reply

Your email address will not be published. Required fields are marked *

error: Content is protected !!