He khawvela ka len lai hian – R. Thanghuta (1894-1954)

1.He khawvela ka len lai hian,
Ni tin buainain min bawm;
Thihna lui Jordan ka kai hma chuan,
Lalpa, lungngaihna a zual zel ṭhin.

Aw, min thlirtîr la, i siam Salem,
Lungduh angel lai lenna ṭhen lohna ram chu
Khawvel lungngaihna chhuahsanin,
Aw, eng tik nge ka han thlen ve ang?


2.Hmana lungngaia rumte chuan,
Chu hmun ropui an thlen chuan;
Kal hmasa leh angel var rual nen,
Aw, Salem Lalpa fakin an zai.

3.An chatuan lawm hla sakpuia’n,
Aw, min au hmangaih kalten;
An ri mawi leh thâwm chu ka hriatin,
Aw, chu hmun ropui ngaiin ka ṭap.

4.Ka va ngai em, Imanuel!
I siam Salem thar nuam chu;
Ka lenna thlaler a ni Lalpa,
Aw, thlen loh ka hlau, min hruai ang che.

Leave a Reply

Your email address will not be published. Required fields are marked *

error: Content is protected !!