Harhna kan ngai – Lalsangzuali Sailo

HARHNA KAN NGAI
Phuahtu – Lalsangzuali Sailo (1949 – 2006)
Satu – K. Vanlallawmi

Zoram dung leh vang hi thlir ve teh u,
Kristian, Isua ringtu intite hi,
Sualna tui fawn karah kan pil mek e,
Harhna kan ngai, Harhna kan ngai em e.

Aw Isu, lo leng la, mi tin thinlungah hian,
I Thlarau Thianghlim kan ngen min hruai turin;
Mimal tin, chhungkua leh i Kohhrante,
Min tiharh turin Lalpa, kan ngai em che.

Malsawm tinreng kan dawng Zofa lengten,
Mahse duham chin lem nei lo kan ni;
I duhzawng haiderin kan vak bo va,
Min ngaidam rawh, Lalpa kan sual a ni.

Mi dang pakhat tana malsawm thlentu
Ni thei ila, a ropui dawn mang e;
‘Krista chanchin ziakna’ inti siin
Kan nunah reng i hmel a lang si lo.

Leave a Reply

Your email address will not be published. Required fields are marked *

error: Content is protected !!