RL THANMAWIA

30th-August-2018
Mizoram Images Publication

RL Thanmawia chanchin: RL Thanmawia hi June 20th 1954-ah Darlak khuaah a piang a. Unau paruk zingah a naupang ber a ni. A pian hnu lawkah Tukalh-ah an pem a, Rambuai laiin Kawrthah-ah an pem leh a, Kawrthah-ah chuan pawl nga aṭangin  High School thleng a zir a. North Eastern Hill University (NEHU), Shillong-ah a zir zawm zelin M.A leh Doctorate degree (Ph.D) a zir zo a,  thesis chu ‘Development of Mizo Poetry’ tih a ni. Thu leh hla (Mizo literature) tana a thawh ṭhat avangin India civil mite chawimawina sang Padma Shri Award chu kum 2012 khan RL Thanmawia hian a dawng a ni.

RL Thanmawia thlalak
Pic credit: Ralte Lalthanmawia Fb profile

Academic lama luh chhohna bul ṭanna atan kum 1981 khan Aizawl College-ah zirtir hna a thawk a. 1983-ah Pachhunga University a zawm a, kum 2004 khan Mizoram University a zawm bawk a ni. Kum 2008-ah Professor-ah kaisangin kum 2011 khan Controller of Examinations-ah a ṭang a, Mizo literature-a Ph.D la hmasa ber a ni a, Mizo hla lamah Ph.D a la a ni. Mizo Cultural and Historical Map chu kum 2009 khan a lo siam chhuak bawk a ni.

RL Thanmawia hian kum 5 a nih aṭangin lehkha a chhiar ṭan a, pawl 5 a zir kumin thu a ziak ṭan a ni. Essay leh article hi 400 chuang a ziak tawh a, a hlahril phuahte khungkhawmna lehkhabu ‘Senmei’ leh ‘Zanlai Thlifim’ bu te a chhuah tawh a. Thawnthu, Drama, Essay leh criticism lam te pawh a khawih tel hlawm a. Amaherawhchu a larna leh a hmingthanpui ber chu Hla phuahtu (poet) a nihna leh Mizo hla zirchianna lama mi thiam bik a nihna hi a ni a. Mizo hla zirchiangtu zingah RL Thanmawia hming ziak lang tel lova thu ziak hi an vang hle a ni.

Eizawnna kawnga a hna thawh tawhte (Professional Experiences):

1.Lecturer, Govt. Aizawl College, 1981-1983
2.Lecturer, Pachhunga University College, 1983-1996
3.Reader, Pachhunga University College, 1996-2004
4.Associate Professor, Mizoram University, 2004-2008
5.Controller of Examinations, Mizoram University, March 2008-2016
6.Professor, Mizoram University

A kutchhuakte (Literary works):

1.Ka Ṭhi Pek Che Kha (1987)
2.Naupangte Ṭhian (1987)
3.Hla Thu Hrilhfiahna (1988)
4.Zofate Rohlu (1992)
5.Zinkawng Rapthlak Zawhtute (1994)
6.Chuailo (1997)
7.Senmei (1997)
8.Mizo Poetry (1998)
9.Junior Zirlai Bu Khatna (2003)
10.Hla Thu Dictionary (2004)
11.Junior Zirlai Bu Hnihna (2004)
12.Ngirtling (2005)
13.Junior Zirlai Bu Thumna (2005)
14.Naupang Thawnthu (2006)
15.Lung Min Lentu (2006)
16.Mizo Hnahthlak Thawnthu Vol-I,2008
17.Mizo Hnahthlak Thawnthu Vol-II,2009
18.Lalngaihawmi (2009)
19.Chuailo, Vol – I
20.Mizo Values,2011
21.Mizo Hnahthlak Thawnthu, Vol-III (2012)
22.Mizo Hla Hlui,2012
23.Tlangnuam Hla Kungpui Pahnih – Siamliana leh Sialkhawthanga (2012)
24.Chuailo, Bu Hnihna
25.Chuailo, Bu Thumna (2015)
26.Zanlai Thlifim (2016)
27.Zanlai Thlifim (revised & enlarged,2018)

Edited Books & Journal:

1.Harhna (2006)
2.Thu leh Hla (Literary Journal,1988-2010)
3.Mizo Hnam Rohlu – Annual Magazine published Mizo Students’ Union, 1980-1981
4.Annual Magazine of the Mizo Post Graduate Students’ Union, 1979-1981
5.Mizo Folktales & Folk songs (Hindi Version), 2009
6. Ramhlun Kohhran  (2010)
7.Kuhmun Vol. I (Short stories written students, 2011)
8.Kuhmum Vol. II (Short stories written students, 2012)
9.Kuhmum Vol. III (Short stories written students, 2013)
10.Mizo Studies, A quarterly Research Journal, published Dept. of Mizo, MZU, since 2012.

Lehkhabu thehlep:

1.Hun Hman Dan, published Adult Education, Govt. of Mizoram, 1986
2.Hla phuahtute, Adult Education, Govt. of Mizoram, 1989
3.Rinawmna, published Mizo Sunday School Union, 2001.
4.Ch.Pasena Chanchin, published Mizo Sunday School Union, 2002.

RL Thanmawia hian nupui atan Lalengi a nei a. Fa pali an nei a. RL Thanmawia hian cancer natna a vei a ni tih kum Cancer natna a vei a ni tih hmuhchhuah a nih hnuah a nupui nen inentirin phai lamah an kal dun fo a. Chutianga a nupuiin duat taka a enkawl lai chuan a nupui Lalengi zawk chu cancer natna bawk chuan a man ve leh a. Chu natna chuan a nupui chu kum 2017-ah a laksak a. A nupui a sunna hi mipui hmaa thu a sawinaah te sawi sawi lo mahse a hlaah tam tak hmuh tur a awm.


Contributor:
1.Elcy R.Lalnunfeli
2.Thang Sian Tluang

Leave a Reply

Your email address will not be published. Required fields are marked *

error: Content is protected !!