LALRAMMAWIA NGENTE CHANCHIN

Contributor – Zothansanga & Lalrammuana Sailo

Lehkhabu ziaktu leh Academician Lalrammawia Ngente hi June ni 21, 1968-ah Vairengte khuaah a lo piang a, a pa chu Thanmawia Ngente a ni a, a nu chu Lawmi Zote a ni. An unau hi panga an ni a, Lalrammawia Ngente hi a mi lai a ni. Kum 1997 khan H.C. Lalṭhasangi an innei a, tunah hian chhungkuain Luangmualah ‘Hmangaihzual Run’-ah an cheng mek a ni.

Lalrammawia, Ngente Lalrammawia, Sir Lalrammawia, Sir Ramtea Ngente, Pu Ramtea,
Lalrammawia Ngente leh a lehkhabu pindan

Kum 1994 aṭangin lehkhabu a ziak tan a, article leh lemchan thlengin a ziak a. Lemchan inziahsiakah pawh lawmman eng emaw zat a dawng tawh nghe nghe. Tun (kum 2019-ah) hian lehkhabu 21 ziak tawhin a lehkhabu ziah pakhat ‘Rintei Zunleng’ chuan Mizo Academy of Letters buatsaih Book of the year 2009 chawimawina a dawng phak nghe nghe a ni. Kum 2002 – 2005 chhungin thla kip chhuak Literary Magazine Sabereka Khuangkaih-ah Joint Editor hna thawkin kum 2006 – 2010 chhungin Editor hna a chelh zui bawk. Tunah hian Mizo Academy of Lettters (MAL) leh Mizo Literature and Language Teacher’s Association’-ah a mei zang hlaptu a ni bawk. Mizorama chanchinbu lian leh darh zau ber Vanglaini chanchinbuah kum 2014/2015 khan literature lam huangah ziaktu huang a luah bawk a.

Lalrammawia Ngente lehkhabu ziak tihchhuah tawhte. Bracket chhunga mi zel hi a chhuah kum a ni.

1.Khawvel nghawr nghingtu Television (1994)

2.Biakzinna – 1 (1997)

3.Biakzinna – 2 (1998)

4.Mi ropuite hringnun (1998)

5.Rohlu (Collection of articles) (1998)

6.Krista pasalṭha nupa nun ngaihnawm (1999)

7.Thim lal Kohhran (2006)

8.Hringnun hlimthla – 1 (Collection of short stories) (2002)

9.Inhnialna ropui (2004)

10.Hringnun hlimthla – 2 (Collection of short stories) (2005)

11.Damlai thlan thim (novel) (2005)

12.Hmangaihna par (novel) (2005)

13.Thlaler pangpar (novel) (2008)

14.Dan rual loh hmangaihna (novel) (2008)

15.Rintei zunleng (novel) (2009)

16.MSSU Pathianni chawhnu naupang inkhawm kaihhruaina (2009)

17.Thil bul thawnthu (Creation Myth) (2010)

18.Tuk tin par (2010)

19.Keimah Mizo (2015)

20.Rupert Hentzau (lehlin) (2016)

21.Pathian a awm (2019)

 

Leave a Reply

Your email address will not be published. Required fields are marked *

error: Content is protected !!