A BILHA THO LO HRILHFIAHNA – MIZO TAWNG UPA

1).A tir aṭanga chiang lo, a tir aṭanga fuh lo. A bul thuma fuh lo.

Entirna: MNF ho hna lak ve hi chu a bilha tho lo a ni ṭhin a, duhsak tum neisa an nih ṭhin avangin dan pawh an tidanglam hmasa ṭhin.

2).Pian tirh aṭanga fuh lo, sual leh khirh saa piang ni awm tak, fel lai nei lo, sei lenna fuh lo.

Entirna: Ani hi chu a bilha tho tawh lo mihring a ni a, tihngaihna tak pawh ka hre tawh lo e.

Sawizauna : Zu hi an bilh ṭhin a, ni thum ni velah a tho ṭhin. Bekang pawh hi an um ṭhin a, ni thum hnu vela a tho ṭhin bawk a. Amaherawhchu zu bilh fuh lo leh bekang um fuh lo chu a tho thei ṭhin lo a, a nih tur ang nihtir tumin sawngbawl zui viau mahse a tira um dan a fuh tawh loh chuan siam ṭhat hleihtheih a ni tawh ṭhin lo a. Heta ṭang hian a bilha tho lo tih ṭawngkam hi a lo chhuak ta a ni.

Leave a Reply

Your email address will not be published. Required fields are marked *

error: Content is protected !!