Ebenezer – R. Lalremruata

EBENEZER
Phuahtu – R. Lalremruata
Satu – Besy Choir

Lalpa chu ka inhumhimna,
Lalpa chu ka chakna a ni,
Manganlaia tanpui vartu hnai reng;
Leilungte hi lo danglamin,
Tlangte hi tuifinriat chhungah,
Lo insawn mahsela kan hlau lo vang.

Lui pakhat a awm a,
Chumi pengte chuan Pathian khawpui chu,
A tilawm thin a;
Sipaihote Lal kan hnenah a awm,
Jakoba Pathian ka kulhbing sang a ni;
Ebenezer, Lalpa’n min pui a ni.

Thlemna thlipuite lo tlehin,
Buaina tuipui fawn vel mah se,
Kan hlau lovang Lalpa ka kulhbing sang;
A hmangaihna, a lainatna,
A khawngaihna thlazar hnuaiah,
Eng pawh lo thleng sela, kan hlau lo vang.

Bridge

Aw tui nung lui Krista
Lui pakhat a awm a,
Chumi pengte chuan Pathian khawpui chu
A tilawm thin a;
Sipaihote Lal kan hnenah a awm,
Jakoba Pathian ka kulhbing sang a ni,
Ebenezer, Lalpa’n min pui a ni.

Leave a Reply

Your email address will not be published. Required fields are marked *

error: Content is protected !!