Denlung Pasaltha te thlan leh Mizo pipute ngaihsan zawng

Denlung Pasalthate lungphun : A hnuaia thuziakah hian Denlung khua, Hnahthial District, Mizoram-a hmanlai pasalthate lungphun / thlan lung an lo dah ṭhatte chu a thlalak nen kan han tarlang a. Hengah te hian hmanlaia an ngaihsan zawng a hriat theih hle a ni. Kristian hmasa te a tlangpuiin 1940 hma lama thite kha chu an thlan lungah Kristian an nihzia an ziak lang tel fo bawk. Heng Denlung hmuna Pasaltha te thlanah hian sa an kah zat, an khuang chawi leh ral an man te a inziak a, a hunlai chuan khawtlang thlammuanna ber an ni awm e.

1.RALKAPA : Ralkapa thlan lung hi Denlung khuaa awm a ni a. A thlan lunga thuziakah chuan pasaltha, sa kap thei mai ni loin ral laka pasaltha a nihzia leh ral lu pawh 40 lai a man thu a inziak a. A hunlai chuan a chhuanawm hle ang tih a rin thei. Tin, mak deuh maiin Rala hi sawn (illegitimate child) a nih thu a thlanah an ziak lang tel bawk. Mizo nunhluiah chuan sawn leh falak te hian hmuhsit an hlawh em em a, chutih laia pasaltha Rala thlan lunga sawn a nih thu an ziak tel hi a dangdai hle.

Thlan awmna hmun (GPS location) :22.964291, 92.914293

“RALKAPA

RALLU 40 A MAN

RALA HI SAWN A NI

K – 51

Ralkapa lung

2.PUDUPA : Thlan lung awmna hmun 22.961993, 92.915902

A thlan lunga thuziak chu

“PUDUPA Kum 73

Sial pa 3 a chhun a, a chawng bawk

Thih ni – ni 9.1.1925

sial chhun pasaltha, pasalthate an ngaihsanzia, thlan lung atanga an ngaihsan zawng, pasaltha te thaln lung atanga an ngaihsanzawng
Pudupa lung

3.PASAIA : Thlan lung awmna hmun 22.962054, 92.915950


A  lungphuna thuziak chu

“PASAIA
PAIHTE
DIARTIAL

SAI 10 KAP

KUM 77

DIED On 26.2.29

Pasaltha thlan, Pasaltha lung, Mizo warrior, Mizo hunter
Pasaia Paite Darṭial

4.DOTHANGA : Pasaltha Dothanga lungphun awmna hmun 22.96096, 92.915968

A thlan lunga thu ziak chu

“DOTHANGA
KUM – 100

KHUANGCHAWI
THANGCHHUAH
CHHIM HUAI BER

DIED 16.10.29.

Pasaltha thlan
Dothanga lung

5.NGHENGBETA : Denlung Pasaltha Nghengbeta lungphun awmna hmun 22.961915, 92.915969

A thlan lunga thuziak chu

“NGHENGBETA
KUM 80. TH. 7.2.1930

LAL UPA DIAR ṬIAL
SAI 10 KAP”

Nghengbeta Pasaltha thlan

6.ZABOVA : Pasalṭha Zabova thlan hi Denlung thlanmuala awm a ni a. A thlan lungah chuan Pawi ral a man lem an ziak bawk. Thlan awmna hmun hi Denlung thlanmual 22.964245, 92.914070

A thlan lunga thuziak chu

“KR

ZABOVA
KHIANGTE. K. 80

1911 – 44. LAL UPA
PASALTHA SA 30
KAP. SIAL 2 TALH
PAWI RAL MAN A NI
T. 29.10.44

 

Pasalthate thlan ding tlar

 

Leave a Reply

Your email address will not be published. Required fields are marked *

error: Content is protected !!